09.10.2026 | 17:25
Էր Ռիադի օդանավակայանի վրա հութիների հարձակումների հետևանքով Սաուդյան Արաբիայի երեք քաղաքացի է զոհվել
Հայաստանի կարատեի հավաքականի գլխավոր մարզիչն ամփոփել է երևանյան ԵԱ-ն
12.05.2025 | 11:28
Հայաստանի կարատեի հավաքականի գլխավոր մարզիչ Սերյոժա Մակարյանը Եվրոպայի առաջնությունում ընտրանու երկու բրոնզե մեդալը համարում է երկար տարիների աշխատանքի արդյունք:
«Մենք իսկապես պատմական արդյունք գրանցեցինք Եվրոպայի այս առաջնությունում, որը կայացավ Երևանում: Մինչ այս մեզ երբեք չի հաջողվել մեդալակիր դառնալ մեծահասակների առաջնություններում: Ուրախ ենք, որ ընդունեցինք Եվրոպայի 2025 թվականի առաջնությունը և այս մեդալները մեծ ու երկար տարիների աշխատանքի արդյունք են»,-«Արմենպրես»-ի հետ զրույցում ասաց Սերյոժա Մակարյանը:
Վերջինս շեշտեց, որ Հայաստանի կարատեի ֆեդերացիայի նախաձեռնությամբ մինչև ԵԱ-ն թիմը երեք խոշոր ուսումնամարզական հավաք է անցկացրել:
«Մեզ համար հրաշալի կլիներ, եթե չեմպիոն ունենայինք Երևանում կայացած մրցաշարում, բայց ուրախ են այս արդյունքով: Հիմա ֆեդերացիան հստակ քայլերով առաջ է գնում»,-առանձնացրեց նա:
Խոսելով երկու բրոնզե մեդալակիրների մասին` Մակարյանն ընդգծեց, որ թե Գոռ Ներսիսյանը և թե Յուրա Զալյանը մեծ ներուժ ունեն:
Երևանում մայիսի 7-11 կայացավ կարատեի Եվրոպայի մեծահասակների առաջնությունը, որտեղ Հայաստանը երկու մեդալ նվաճեց: Բրոնզե մեդալակիրներ դարձան Գոռ Ներսիսյանն ու Յուրա Զալյանը:
