07.12.2025 | 12:30
Հարավ-արևմուտքից ակտիվ ցիկլոն է ներթափանցում․ հանրապետության ողջ տարածքում տեղումներ են սպասվում
Այս պահին մեր դիրքորոշման փոփոխություն չկա. ԱԳ փոխնախարարը` այսպես կոչված, միջանցքի մասին․ ՏԵՍԱՆՅՈՒԹ
Քաղաքականություն
09.05.2025 | 10:25
«Այս պահին մեր դիրքորոշման փոփոխություն չկա»,- այս մասին լրագրողների հետ ճեպազրույցում հայտարարեց ԱԳ փոխնախարար Մնացական Սաֆարյանը՝ անդրադառնալով, այսպես կաչված, «Զանգեզուրի միջանցքի» մասին Ադրբեջանի պահանջի մասին։
Փոխնախարարը պարզեզված ընթացակարգերով Ադրբեջանին ճանապարհ տալու մասին հարցերի վերաբերյալ նշեց, որ այդ մասին պաշտոնական դիրքորոշում եղել է, որը չի փոխվելու։
«Իհարկե, բացառվում է միջանցքի տրամադրումը, մի քանի անգամ ասել ենք, նույն բանը հարցնելու իմաստը ո՞րն է, մեր դիրքորոշումը չի փոխվել»,- ասաց ԱԳՆ պաշտոնյան։
Հարցին՝ հաշվի առնելով Սյունիքի գյուղերի ուղղությամբ ադրբեջանական կրակոցները՝ կարելի՞ է ենթադրել, որ Ադրբեջանը ռազմական էսկալացիայի մտադրություն ունի, ԱԳ փոխնախարարն ասաց, որ այս պահին իրենք այդպիսի ազդակներ չունեն։ Սաֆարյանի խոսքով՝ Հայաստանը շարունակում է հավատարիմ լինել խաղաղության օրակարգին։
Մանրամասները՝ տեսանյութում։
