07.12.2025 | 15:34
Առանձին հատվածներում ձյուն է տեղում․ Թալինի, Աշտարակի և Ապարանի տարածաշրջաններում մառախուղ է
Քաղաքական պաշտոն զբաղեցնելուց րոպեներ անց ԲԴԽ տեղափոխված անձինք անձամբ են վեթինգ իրականացրել․ նախկին դատավոր Արշակ Վարդանյան
Հասարակություն
08.05.2025 | 18:55
Կարգապահական վարույթների միջոցով դատավորների վեթինգի իրականացումը գործնականում անհնարին կլիներ,եթե չլիներ վարույթ հարուցող մարմիններից մեկին, տվյալ դեպքում՝ Արդարադատության նախարարին խորհրդի կողմից ցուցաբերած գործուն աջակցությունը։ Այս մասին այսօր «Դատավորների եվրոպական միության» տարեկան համաժողովի ընթացքում ասաց նախկին դատավոր, Բարձրագույն դատական խորհրդի նախկին անդամ Արշակ Վարդանյանը։
Նախկին դատավորի խոսքով՝ եվրոպական չափանիշներով դատավորների վեթինգը չափազանց խնդրահարույց գործընթաց է, կարող է օգտագործվել որպես գործիք՝ քաղաքական առումով անցանկալի դատավորներից ազատվելու նպատակով։
«Վեթինգ նախաձեռնելու դեպքում այն պետք է իրականացվի անկախ կառույցի կողմից, իսկ դատական խորհուրդներն այս գործընթացում պետք է ունենան դատական իշխանության անկախությունը պաշտպանելու դեր։ Իսկ այս դեպքում քաղաքական պաշտոններ զբաղեցնելուց րոպեներ անց Խորհուրդ տեղափոխված անձինք անձամբ են վեթինգ իրականացրել»,- ասաց Արշակ Վարդանյանը։
Մանրամասները՝ տեսանյութում։
Արաքս Մամուլյան
