29.04.2026 | 23:40
Հայաստան–ՄԱԿ համագործակցություն․ ուշադրության կենտրոնում՝ խոցելի խմբերի պաշտպանությունը
Դուք լրագրողական համայնքին նայում եք որպես քաղաքական պայքարի մանրադրամ․ Կոնջորյանը՝ ընդդիմությանը․ ՏԵՍԱՆՅՈՒԹ
Քաղաքականություն
06.05.2025 | 14:15
«Դուք լրագրողական համայնքին նայում եք որպես քաղաքական պայքարի մանրադրամ»,- այս մասին ԱԺ-ում, դիմելով, ընդդիմությանը, հայտարարեց ՔՊ խմբակցության պատգամավոր Հայկ Կոնջորյանը։
Անդրադառնալով ընդդիմության այն քննադատությանը, թե իրենց իշխանության ժամանակ լրագրողների մասնակցությամբ միջադեպեր են եղել, Կոնջորյանը վկայակոչեց «Լրագրողներ առանց սահմանների» կազմակերպության զեկույցը, որում մամուլի ազատության ինդեքսով Հայաստանն այս տարի 34-րդ տեղում է, 2017 թվականին եղել է 79-րդը:
«Բա դա լրագրողական համայնքի մասնագիտական գործունեությանը վերաբերող դրական փաստ չէ՞, դրա մասին չե՞ք ուզում խոսել»,- նկատեց իշխանության ներկայացուցիչը։
Հիշեցնենք, որ ԱԺ-ն քննարկում է պաշտպանության և անվտանգության մշտական հարցերի հանձնաժողովի նախագահ Անդրանիկ Քոչարյանի վարքագծի վերաբերյալ ժամանակավոր էթիկայի հանձնաժողով ստեղծելու հարցը։ Նախաձեռնությունը ներկայացրել են «Հայաստան» և «Պատիվ ունեմ» խմբակցությունները։
Մանրամասները՝ տեսանյութում։
