11.12.2025 | 20:30
«Հարսնաքար»-ը, Գասպարյանի առանձնատունը, Միքայելյանի տնակը․ Սևանի ափի որ գույքերը կքանդի պետությունը
Հասկանում ենք, որ ԱՄՆ-ը ցանկանում է արագ առաջընթացի հասնել ուկրաինական կարգավորման գործում, սակայն գործընթացը չափազանց բարդ է․ Պեսկով
Քաղաքականություն
30.04.2025 | 21:43
Ուկրաինայում հակամարտության կարգավորման գործընթացը շարունակվում է, ՌԴ նախագահ Վլադիմիր Պուտինի նպատակները չեն փոխվել «հատուկ ռազմական գործողության» սկզբից ի վեր: Այս մասին հայտարարել է Կրեմլի խոսնակ Դմիտրի Պեսկովը, գրում է Ինտերֆաքսը։
«Մենք պետք է ապահովենք մեր ազգային շահերը։ Նախագահը բաց է մնում այս հակամարտության կարգավորման քաղաքական և դիվանագիտական մեթոդների համար։ Սակայն իրավիճակն այնպիսին է, ինչպիսին կա»,- ասել է Պեսկովը՝ նշելով, թե Կիևից որևէ արձագանք չեն լսում, գործընթացը շարունակվում է։
Նրա խոսքով՝ «նախընտրելի» է մնում խաղաղ ճանապարհով հասնել «հատուկ ռազմական գործողության» նպատակներին։
«Սկզբում նախագահը փորձում էր այդ նպատակներին հասնել խաղաղ ճանապարհով։ Մենք գիտենք այն փաստաթղթերի նախագծերը, որոնք նա առաջարկել է եվրոպացիներին և ամերիկացիներին՝ քննարկման համար։ Մենք հիշում ենք, թե ինչպես մերժվեցին նախագահի բոլոր նախաձեռնությունները։ Դրանից հետո ոչինչ չէր մնում անել, քան այս խնդիրները ռազմական ճանապարհով լուծելը»,- նշել է Պեսկովը։
Նա նաև նշել է, որ Կրեմլը հասկանում է՝ Վաշինգտոնը ցանկանում է արագ առաջընթացի հասնել ուկրաինական կարգավորման գործում, սակայն այդ գործընթացը չափազանց բարդ է։
«Մենք հասկանում ենք, որ Վաշինգտոնը ցանկանում է արագ հաջողության հասնել այս գործընթացում, բայց, միևնույն ժամանակ, հույս ունենք, որ կա ըմբռնում, որ ուկրաինական ճգնաժամի կարգավորումը չափազանց բարդ է, կան բազմաթիվ հարցեր և մանրամասներ, որոնք պետք է լուծվեն կարգավորումից առաջ»,- լրագրողներին ասել է Կրեմլի խոսնակը։
Նա ընդգծել է, որ համաձայնագիրը պետք է կնքվի «Ուկրաինայի, այլ ոչ թե Միացյալ Նահանգների հետ», նաև նշել, որ Վաշինգտոնը հանդես է գալիս որպես միջնորդ այս բանակցություններում, և Մոսկվան «երախտապարտ է Միացյալ Նահանգներին այդ ջանքերի համար»։
Ավելի վաղ էլ Կրեմլը հայտարարել էր, որ Կիևը չի արձագանքել մայիսի 8-10-ը հրադադար սահմանելու առաջարկին, որը ներկայացրել էր Պուտինը։ Ուկրաինայի նախագահ Վլադիմիր Զելենսկին էլ Պուտինին մեղադրել էր մանիպուլյացիաների մեջ։ ԱՄՆ նախագահ Դոնալդ Թրամփն էլ գործնականում ամեն օր պահանջում է Մոսկվայից և Կիևից անհապաղ բանակցություններ սկսել։
Թարգմանությունը՝ Էմմա Չոբանյանի
