29.04.2026 | 23:40
Հայաստան–ՄԱԿ համագործակցություն․ ուշադրության կենտրոնում՝ խոցելի խմբերի պաշտպանությունը
Ռուբեն Վարդանյանի շինծու գործով նիստում «տուժողներ» են ցուցմունք տալիս
Քաղաքականություն
29.04.2025 | 18:11
Բաքվի զինվորական դատարանում ընթացող Արցախի նախկին պետնախարար Ռուբեն Վարդանյանի շինծու գործերով դատական նիստում կրկին «տուժողներ» են ցուցմունք տալիս։ Ադրբեջանական լրատվամիջոցների հաղորդմամբ՝ «տուժող» Նուրլան Բաղիրովը հայտարարել է, թե ՆԳՆ ներքին զորքերում ծառայելիս իր և իր զինակից ընկերները, իբր, հարձակման են ենթարկվել հայկական զինված ուժերի մնացորդների և հայկական անօրինական զինված խմբավորումների կողմից։
Նա ասել է, որ միջադեպի ժամանակ իրենց վրա կրակոցներ են արձակել, ձեռքի նռնակներ նետել։ Արդյունքում, «տուժողի» պնդմամբ, նրա 14 զինակիցները զոհվել են (12-ը՝ ներքին զորքերից, 2-ը՝ Պաշտպանության նախարարությունից), իսկ մի քանի զինծառայողներ վիրավորվել։ Բաղիրովն ասել է, որ միջադեպի ժամանակ ինքն էլ վիրավորվել է։
Հիշեցնենք, որ ապրիլի 29-ին տեղի ունեցած նախորդ նիստում ականների պայթյուններից մի շարք «տուժածներ» ցուցմունքներ էին տվել։
Թարգմանությունը՝ Էմմա Չոբանյանի
