15.02.2026 | 19:16
Ներխուժման դեպքում պատերազմը կտեղափոխենք ՌԴ տարածք․ Էստոնիաի ԱԳ նախարար
Վաղուց Մինսկի խումբը լուծարելու ժամանակն է, Հայաստանը պետք է քայլեր ձեռնարկի․ Ալիևը՝ ԵԱՀԿ գլխավոր քարտուղարին
Քաղաքականություն
25.04.2025 | 16:58
Ադրբեջանի նախագահ Իլհամ Ալիևն ընդունել է տարածաշրջանային այցի շրջանակում Բաքվում գտնվող ԵԱՀԿ գլխավոր քարտուղար Ֆերիդուն Սինիրլիօղլուին: Ադրբեջանական կողմի հաղորդմամբ՝ շնորհավորելով Հայաստանի և Ադրբեջանի միջև խաղաղության պայմանագրի տեքստի համաձայնեցման գործում ձեռք բերված արդյունքների կապակցությամբ՝ ԵԱՀԿ գլխավոր քարտուղարը նշել է, որ քննարկումներ են ընթանում երկու երկրների միջև հարաբերությունները կարգավորելու ուղղությամբ։
Ըստ ադրբեջանական կողմի հաղորդագրության՝ Ալիևն «ընդգծել է, որ վաղուց ժամանակն է վերացնել ԵԱՀԿ Մինսկի խումբը, որը լիովին ձախողվել է անցյալում հայ-ադրբեջանական հակամարտության կարգավորման գործում, և դրա հետ կապված բոլոր ինստիտուտները»՝ հավելելով, որ Հայաստանը պետք է քայլեր ձեռնարկի այդ ուղղությամբ։
Ալիևը նշել է, թե Ադրբեջանը «ռազմական և քաղաքական միջոցներով լիովին ապահովել է իր տարածքային ամբողջականությունն ու ինքնիշխանությունը»՝ դրանով իսկ ապահովելով Հելսինկյան եզրափակիչ ակտի և միջազգային իրավունքի նորմերի ու սկզբունքների հաստատումը Հարավային Կովկասում։
Հավելենք, որ ԵԱՀԿ գլխավոր քարտուղարն ավելի վաղ այցելել էր Հայաստան և Վրաստան։ Երևանում նա բանակցություններ է անցկացրել ՀՀ վարչապետ Նիկոլ Փաշինյանի և ԱԳ նախարար Արարատ Միրզոյանի հետ։
Թարգմանությունը՝ Էմմա Չոբանյանի
