Փոխհրաձգություն Հնդկաստանի և Պակիստանի սահմանին․ Իսլամաբադը զգուշացնում է «լայնածավալ պատերազմի» մասին

Լուրեր

19.11.2026 | 17:11
Օլիմպիական չեմպիոնը երեք տարով որակազրկվել է դոպինգի համար
19.11.2026 | 17:07
Ինչո՞ւ հետաձգվեց, ապա չեղարկվեց Միրզոյանի և Գերմանիայի ԱԳ նախարարի համատեղ ասուլիսը
19.11.2026 | 17:00
ԱՄՆ-ում ռուսաստանցի է ձերբակալվել լրտեսության մեղադրանքով․ նա հետևել է Ուկրաինային աջակցող ընկերության գործունեությանը
19.11.2026 | 16:51
Փաշինյանը դեկտեմբերի 3-ին կմեկնի Մոսկվա և կհանդիպի Պուտինի հետ․ ՏԵՍԱՆՅՈՒԹ
19.11.2026 | 16:46
Ամերիկյան AECOM-ը Մհեր Գրիգորյանին ներկայացրել է ԹՐԻՓՓ նախագծի տեխնիկատնտեսական ուսումնասիրության նախնական արդյունքները
19.11.2026 | 16:35
Բագրատ արքեպիսկոպոս Գալստանյանի տնային կալանքի ժամկետը 3 ամսով երկարաձգվեց
19.11.2026 | 16:24
Գրեթե բոլոր ռուսական բանկերը սանկցիաների տակ են, մեզ համար դա խնդիրներ է ստեղծում․ Մարտին Գալստյան․ ՏԵՍԱՆՅՈՒԹ
19.11.2026 | 16:13
Կրեմլը հայտնել է, որ Ուկրաինայի թեման ԱՄՆ-ի և Չինաստանի հետ եռակողմ հանդիպման առանցքային հարցը չի եղել
19.11.2026 | 16:05
Խվիչա Կվարացխելիան տարվա մարդ է ճանաչվել GQ France ամսագրի վարկածով
19.11.2026 | 15:55
Հայաստանի տնտեսությունը տուժել է, որպեսզի ընդդիմությունն ավելի շատ քվե ստանա՞․ Ռուբինյան․ ՏԵՍԱՆՅՈՒԹ
19.11.2026 | 15:51
Պուտինը, Թրամփն ու Սի Ցզինպինը համատեղ հռչակագիր են ընդունել․ ինչ կետեր են ներառված
19.11.2026 | 15:47
ՖԻՖԱ-ի նախագահի պաշտոնում առաջադրվել է երեք թեկնածու
19.11.2026 | 15:38
Թբիլիսիի բնակելի շենքերից մեկում պայթյուն է տեղի ունեցել․ փլատակների տակ 7 մարդ կա, այդ թվում՝ երեխաներ
19.11.2026 | 15:30
Վազգեն Սարգսյանի անվան ռազմական ակադեմիայի կուրսանտները մասնակցել են Չինաստանում անցկացված միջազգային ծրագրին
19.11.2026 | 15:21
Բաքուն արդարացրել է հայ գերիների շինծու դատավճիռները և Ֆրանսիային կոչ արել «զերծ մնալ Ադրբեջանի ներքին գործերին միջամտելուց»
Բոլորը

Հնդկաստանի և Պակիստանի սահմանին ապրիլի 25-ի գիշերը փոխհրաձգություն է տեղի ունեցել երկու երկրների սահմանապահների միջև: Այս մասին հաղորդում է AFP գործակալությունը՝ հղում անելով հնդիկ պաշտոնյայի, գրում է DW-ի ռուսական ծառայությունը։

Նշվում է, որ փոխհրաձգությունը տեղի է ունեցել Լիպա հովտում՝ Քաշմիրով անցնող վերահսկողության գծում։ AFP-ի աղբյուրի փոխանցմամբ՝ կրակոցների հետևանքով քաղաքացիական անձինք չեն տուժել։

«Կյանքը շարունակվում է իր սովորական հունով։ Դպրոցները բաց են»,- ասել է պաշտոնյան։

Հնդկաստանի և Պակիստանի միջև տասնամյակներ շարունակվող հակամարտությունը սրվեց այս շաբաթ՝ այն բանից հետո, երբ ապրիլի 22-ին Հնդկաստանի Պահալգամ զբոսաշրջային քաղաքում զինյալների խմբի կողմից իրականացված հարձակման հետևանքով սպանվեց 26 մարդ։ Զոհվածների մեծ մասը զբոսաշրջիկներ են։

Greater Kashmir-ի հաղորդմամբ՝ հարձակման պատասխանատվությունը ստանձնել է Պակիստանի կողմից աջակցվող Դիմադրության ճակատ (TRF) ապստամբական խմբավորումը, որը Հնդկաստանում համարվում է ահաբեկչական։ Հնդկաստանի ոստիկանությունը հրապարակել է երեք ենթադրյալ զինյալների անունները և հայտնել, որ նրանցից երկուսը պակիստանցիներ են։

«Մենք նրանց կհետապնդենք նույնիսկ մինչև աշխարհի ծայրը»,- ասել է Հնդկաստանի վարչապետ Նարենդրա Մոդին։

Իսլամաբադը, իր հերթին, հերքում է հարձակմանն իր մասնակցությունը և խոստանում արձագանքել «Պակիստանի ինքնիշխանությանը և նրա ժողովրդի անվտանգությանը սպառնացող ցանկացած վտանգի»։

Պակիստանի պաշտպանության նախարար Խավաջա Ասիֆը Sky News-ին ասել է, որ Քաշմիրում զանգվածային կրակոցների շուրջ վեճը կարող է հանգեցնել իր երկրի և Հնդկաստանի միջև «լիակատար պատերազմի»։

«Մենք կկշռադատենք մեր արձագանքը Հնդկաստանի կողմից նախաձեռնվող ցանկացած գործողության: Սա կլինի հավասարակշռված պատասխան։Եթե լինի լայնածավալ հարձակում կամ նման մի բան, ապա ակնհայտ է, որ կլինի լայնածավալ պատերազմ»,- ասել է Պակիստանի ՊՆ ղեկավարը։

Նա նշել է, որ «եթե ինչ-որ բան այնպես չգնա, բախումը կարող է ողբերգական ավարտ ունենալ»։

Այս ֆոնին ՄԱԿ-ը կոչ է արել Հնդկաստանին և Պակիստանին ցուցաբերել «առավելագույն զսպվածություն»։

«Մենք կոչ ենք անում երկու կառավարություններին էլ ցուցաբերել առավելագույն զսպվածություն և ապահովել, որ իրավիճակը և իրադարձությունները, որոնց մենք ականատես ենք լինում, ավելի չվատթարանան»,- ասել է ՄԱԿ-ի խոսնակ Ստեֆան Դյուժարիկը՝ նշելով, որ Պակիստանի և Հնդկաստանի միջև բոլոր խնդիրները պետք է լուծվեն «խաղաղ ճանապարհով»։

Հիշեցնենք, որ հարձակումից հետո Հնդկաստանի իշխանությունները հրամայել են բոլոր պակիստանցի քաղաքացիներին լքել երկիրը մինչև ապրիլի 29-ը, նույնիսկ եթե նրանք այդ ամսաթվին վավեր վիզաներ ունեն։ Բացի այդ, Հնդկաստանի կառավարությունը հրամայել է անհապաղ կասեցնել Հնդկաստանի և Պակիստանի միջև ջրային ռեսուրսների բաժանման մասին համաձայնագրի՝ 1960 թվականի Ինդոսի ջրերի մասին պայմանագրի գործողությունը։

«Ինդոսի ջրերի մասին պայմանագիրը կասեցված կմնա այնքան ժամանակ, մինչև Պակիստանը ստուգելիորեն և անդառնալիորեն չդադարեցնի միջսահմանային ահաբեկչությանն աջակցելը»,- ընդգծել է կառավարությունը։

Ի պատասխան՝ Իսլամաբադը հայտարարել է, որ Հնդկաստանի կողմից իր հարևանի ջրամատակարարումը դադարեցնելու ցանկացած փորձ կհամարի «պատերազմական ակտ»։

«Ինդոսի ջրերի պայմանագրով Պակիստանին պատկանող ջրերի հոսքը դադարեցնելու կամ շեղելու ցանկացած փորձ կհամարվի պատերազմական ակտ և դրան կպատասխանեն ազգային ուժերի բոլոր սպեկտրով»,- ասվում է Պակիստանի վարչապետ Շահբազ Շարիֆի գրասենյակի հայտարարության մեջ։

Թարգմանությունը՝ Էմմա Չոբանյանի