18.02.2026 | 23:28
Ստեփանծմինդա-Լարս ավտոճանապարհը փակ է
Թրամփը հայտարարել է Պուտինի հետ հնարավոր հանդիպման մասին՝ մայիսի կեսերին Սաուդյան Արաբիա կատարելիք այցից հետո
Քաղաքականություն
24.04.2025 | 13:05
ԱՄՆ նախագահ Դոնալդ Թրամփն ակնարկել է, որ հաջորդ ամիս Սաուդյան Արաբիա, Կատար և Միացյալ Արաբական Էմիրություններ կատարած իր այցից կարճ ժամանակ անց կհանդիպի Ռուսաստանի նախագահ Վլադիմիր Պուտինի հետ, գրում է CNN-ը։
Պատասխանելով Սաուդյան Արաբիայում Պուտինի հետ հանդիպման հնարավորության մասին հարցին՝ Թրամփն ասել է․ «Ամենայն հավանականությամբ՝ ոչ։ Կարծում եմ՝ մենք կհանդիպենք նրա հետ դրանից հետո կարճ ժամանակ անց»։
Մայիսի 13-16-ը նախատեսված Մերձավոր Արևելքի շրջագայությունը կնշանավորի Թրամփի նախագահության երկրորդ ժամկետի երկրորդ արտասահմանյան ուղևորությունը՝ այս շաբաթավերջին Հռոմ նախատեսված այցից հետո՝ Ֆրանցիսկոս պապի հուղարկավորությանը մասնակցելու համար։
Ավելի վաղ Սաուդյան Արաբիայում տեղի էին ունեցել Ռուսաստանի և ԱՄՆ պատվիրակությունների միջև բանակցությունները, որոնք առաջինն էին ռուսական զորքերի՝ Ուկրաինա ներխուժման սկսվելուց ի վեր։
Թրամփն ու Պուտինը պատերազմի սկսվելուց և Թրամփի՝ ԱՄՆ նախագահի պաշտոնը ստանձնելուց ի վեր անձամբ չեն հանդիպել, բայց հեռախոսազրույցներ են ունեցել։
Թարգմանությունը՝ Էմմա Չոբանյանի
