Զելենսկին պատասխանել է Թրամփի քննադատությանը՝ հիշեցնելով ԱՄՆ-ի «Ղրիմի հռչակագիրը» Ռուսաստանի կողմից թերակղզու բռնակցումը չճանաչելու մասին

Լուրեր

19.11.2026 | 17:11
Օլիմպիական չեմպիոնը երեք տարով որակազրկվել է դոպինգի համար
19.11.2026 | 17:07
Ինչո՞ւ հետաձգվեց, ապա չեղարկվեց Միրզոյանի և Գերմանիայի ԱԳ նախարարի համատեղ ասուլիսը
19.11.2026 | 17:00
ԱՄՆ-ում ռուսաստանցի է ձերբակալվել լրտեսության մեղադրանքով․ նա հետևել է Ուկրաինային աջակցող ընկերության գործունեությանը
19.11.2026 | 16:51
Փաշինյանը դեկտեմբերի 3-ին կմեկնի Մոսկվա և կհանդիպի Պուտինի հետ․ ՏԵՍԱՆՅՈՒԹ
19.11.2026 | 16:46
Ամերիկյան AECOM-ը Մհեր Գրիգորյանին ներկայացրել է ԹՐԻՓՓ նախագծի տեխնիկատնտեսական ուսումնասիրության նախնական արդյունքները
19.11.2026 | 16:35
Բագրատ արքեպիսկոպոս Գալստանյանի տնային կալանքի ժամկետը 3 ամսով երկարաձգվեց
19.11.2026 | 16:24
Գրեթե բոլոր ռուսական բանկերը սանկցիաների տակ են, մեզ համար դա խնդիրներ է ստեղծում․ Մարտին Գալստյան․ ՏԵՍԱՆՅՈՒԹ
19.11.2026 | 16:13
Կրեմլը հայտնել է, որ Ուկրաինայի թեման ԱՄՆ-ի և Չինաստանի հետ եռակողմ հանդիպման առանցքային հարցը չի եղել
19.11.2026 | 16:05
Խվիչա Կվարացխելիան տարվա մարդ է ճանաչվել GQ France ամսագրի վարկածով
19.11.2026 | 15:55
Հայաստանի տնտեսությունը տուժել է, որպեսզի ընդդիմությունն ավելի շատ քվե ստանա՞․ Ռուբինյան․ ՏԵՍԱՆՅՈՒԹ
19.11.2026 | 15:51
Պուտինը, Թրամփն ու Սի Ցզինպինը համատեղ հռչակագիր են ընդունել․ ինչ կետեր են ներառված
19.11.2026 | 15:47
ՖԻՖԱ-ի նախագահի պաշտոնում առաջադրվել է երեք թեկնածու
19.11.2026 | 15:38
Թբիլիսիի բնակելի շենքերից մեկում պայթյուն է տեղի ունեցել․ փլատակների տակ 7 մարդ կա, այդ թվում՝ երեխաներ
19.11.2026 | 15:30
Վազգեն Սարգսյանի անվան ռազմական ակադեմիայի կուրսանտները մասնակցել են Չինաստանում անցկացված միջազգային ծրագրին
19.11.2026 | 15:21
Բաքուն արդարացրել է հայ գերիների շինծու դատավճիռները և Ֆրանսիային կոչ արել «զերծ մնալ Ադրբեջանի ներքին գործերին միջամտելուց»
Բոլորը

Ուկրաինայի նախագահ Վլադիմիր Զելենսկին արձագանքել է ԱՄՆ նախագահ Դոնալդ Թրամփի քննադատությանը Ղրիմի վերաբերյալ իր խոսքերի մասին՝ հիշեցնելով հենց Թրամփի առաջին նախագահության ժամկետի ընթացքում նրա վարչակազմի հայտարարությունը Ռուսաստանի կողմից բռնակցումը չճանաչելու մասին։ Նա X-ի իր միկրոբլոգում հիշեցրել է Ուկրաինայի, ԱՄՆ-ի, Մեծ Բրիտանիայի, Ֆրանսիայի և Գերմանիայի ներկայացուցիչների Լոնդոնում կայացած հանդիպոման մասին, որին չեն մասնակցել ԱՄՆ պետքարտուղար Մարկո Ռուբիոն և Թրամփի հատուկ բանագնաց Սթիվ Ուիթկոֆը։

«Այսօր զգացմունքները բորբոքվել են։ Բայց լավ է, որ 5 երկրներ հանդիպեցին՝ խաղաղությունը մոտեցնելու համար․ Ուկրաինա, ԱՄՆ, Մեծ Բրիտանիա, Ֆրանսիա և Գերմանիա։ Կողմերն արտահայտել են իրենց տեսակետները և հարգանքով ընդունել միմյանց դիրքորոշումները։ Ամերիկյան կողմը կիսվել է իր տեսլականով։ Ուկրաինան և մյուս եվրոպացիները ներկայացրել են իրենց ներդրումը։ Եվ մենք հույս ունենք, որ հենց նման համատեղ աշխատանքն է, որ կհանգեցնի տևական խաղաղության։ Մենք շնորհակալ ենք գործընկերներին։ Ուկրաինան միշտ կգործի իր Սահմանադրությանը համապատասխան, և մենք լիովին վստահ ենք, որ մեր գործընկերները, մասնավորապես՝ ԱՄՆ-ը, կգործեն նրա վճռական որոշումներին համապատասխան»,- գրել է Զելենսկի։

Ուկրաինայի նախագահը գրառմանը կից հրապարակել է ԱՄՆ-ի կողմից ընդունված Ղրիմի հռչակագիրը։ Այն Թրամփի առաջին վարչակազմի պետքարտուղար Մայք Պոմպեոյի 2018 թվականի հայտարարությունն է, որը հաստատում է Ռուսաստանի կողմից Ղրիմի բռնակցման չճանաչումը։

Հռչակագիրը Պետդետքարտուղարությունը հրապարակել է 2018 թվականի հուլիսի 25-ին՝ Հելսինկիում ԱՄՆ նախագահ Դոնալդ Թրամփի և ՌԴ նախագահ Վլադիմիր Պուտինի հանդիպումից տասը օր անց։ Այն ժամանակվա պետքարտուղար Մայքլ Պոմպեոն կրկնել էր, որ Վաշինգտոնը հրաժարվում է ճանաչել Մոսկվայի հավակնություններն այն տարածքների նկատմամբ, որոնք նա գրավել է Ուկրաինա ներխուժման միջոցով՝ խախտելով միջազգային իրավունքը, որի համաձայն՝ ոչ մի երկիր չի կարող ուժով փոխել մեկ այլ երկրի սահմանները։

«Մեր դաշնակիցների, գործընկերների և միջազգային հանրության հետ միասին, Միացյալ Նահանգները մերժում է Ռուսաստանի փորձը՝ բռնակցելու Ղրիմը և պարտավորվում է պահպանել այս քաղաքականությունը մինչև Ուկրաինայի տարածքային ամբողջականության վերականգնումը»,- ասվում է հռչակագրում։

Ավելի վաղ Դոնալդ Թրամփը քննադատել էր Վլադիմիր Զելենսկիի հայտարարությունն այն մասին, որ Ուկրաինան իրավաբանորեն չի ճանաչում Ղրիմի օկուպացիան։ Truth Social սոցիալական ցանցում նա դա անվանել է «շատ վնասակար» Ռուսաստանի հետ խաղաղության բանակցությունների համար։

«Ուկրաինայի նախագահ Վլադիմիր Զելենսկին The Wall Street Journal-ի առաջին էջում պարծենում է, որ «Ուկրաինան օրինականորեն չի ճանաչի Ղրիմի օկուպացիան։ Այստեղ խոսելու բան չկա»։ Այս հայտարարությունը շատ վնասակար է Ռուսաստանի հետ խաղաղության բանակցությունների համար, քանի որ Ղրիմը կորսվել է տարիներ առաջ նախագահ Բարաք Օբամայի հովանու ներքո։ Ոչ ոք Զելենսկիին չի խնդրում ճանաչել Ղրիմը որպես ռուսական տարածք, բայց եթե նա ուզում է Ղրիմը, ինչո՞ւ նրանք չեն պայքարել դրա համար տասնմեկ տարի առաջ, երբ այն հանձնվել է Ռուսաստանին առանց որևէ կրակոցի»,- գրել է Թրամփը։

Նա նշել է, թե Զելենսկիի նման սադրիչ հայտարարություններն են, որ այդքան դժվարացնում են պատերազմի կարգավորումը։

«Նա պարծենալու բան չունի։ Ուկրաինայի վիճակը ծանր է. նա կարող է խաղաղություն հաստատել կամ կռվել ևս երեք տարի, նախքան ամբողջ երկիրը կորցնելը։ Ես ոչ մի կապ չունեմ Ռուսաստանի հետ, բայց ունեմ շաբաթական միջինում հինգ հազար ռուս և ուկրաինացի զինվոր փրկելու ցանկություն, որոնք առանց որևէ պատճառի մահանում են»,- նշել է ԱՄՆ նախագահը՝ հավելելով, որ «շատ մոտ են գործարքին», և որ Զելենսկին «ոչ մի խաղաքարտ չունի» և պետք է համաձայնի առաջարկվող պայմաններին։

Հիշեցնենք, որ ապրիլի 23-ին Լոնդոնում պետք է բանակցություններ անցկացվեին ԱՄՆ-ի, Ուկրաինայի, Ֆրանսիայի, Գերմանիայի և Մեծ Բրիտանիայի միջև՝ արտաքին գործերի նախարարների մակարդակով։ Ենթադրվում էր, որ պետքարտուղար Մարկո Ռուբիոն պետք է Կիևին և նրա եվրոպացի դաշնակիցներին ներկայացնի Թրամփի խաղաղության ծրագրի մանրամասները։

Սակայն Ռուբիոն հրաժարվել էր մասնակցել հանդիպմանը (չէր մասնակցել նաև Թրամփի հատուկ բանագնաց Սթիվ Ուիթկոֆը), երբ Զելենսկին ասել էր, որ «Ուկրաինան իրավաբանորեն չի ճանաչում Ղրիմի օկուպացիան»։ Այս հայտարարությունն արվել էր լրատվամիջոցներում արտահոսքերի ֆոնին, որ ԱՄՆ-ն առաջարկում է Ղրիմը ճանաչել որպես Ռուսաստանի վերահսկողության տարածք։

Թարգմանությունը՝ Էմմա Չոբանյանի