05.06.2026 | 12:13
Արմեն Աշոտյանը ձերբակալվել է, Արման Սահակյանը՝ կալանավորվել // Զելենսկին բաց նամակ է հղել Պուտինին․ ԼՈՒՐԵՐ
3 ամսվա ընթացքում 15 նոր հայց է ներկայացվել ԶԼՄ-ների դեմ, 4-ը՝ Ալեն Սիմոնյանի կողմից. Աշոտ Մելիքյան․ ՏԵՍԱՆՅՈՒԹ
Հասարակություն
23.04.2025 | 12:34
2025 թվականի առաջին եռամսյակում 15 նոր հայց է ներկայացվել լրագրողների և լրատվամիջոցների դեմ։ Այս մասին մամուլի ասուլիսի ժամանակ ասաց Խոսքի ազատության պաշտպանության կոմիտեի նախագահ Աշոտ Մելիքյանը.
«Նոր դատական հայցերից 12-ը պետական մարմինների և իշխանության ներկայացուցիչների կողմից են եղել, ավելին՝ 4-ը ներկայացվել է ԱԺ նախագահ Ալեն Սիմոնյանի կողմից։ Մյուս 2-ը լրատվական գործակալությունների կողմից ընդդեմ լրատվամիջոցների են՝ հեղինակային իրավունքի հայց է, մյուս մեկը՝ շարքային քաղաքացու կողմից է ներկայացվել»։
Նորությո՞ւն են հեղինակային իրավունքի պաշտպանության մասով ներկայացված հայցերը, Մելիքյանը նկատեց՝ այս հիմքով հայցը նորություն է.
«Տարիների ընթացքում եղել են լրատվամիջոցի դեմ հայցեր, սակայն կոնկրետ հեղինակային իրավունքի մասով ներկայացված հայցերը, այսպես ասած, նորություն են, վերջին տարիներին չէին եղել։ Սա «Ֆոտոլուր» գործակալության հետևողական քայլն է»։
Հարցին՝ հնարավո՞ր է սա լրատվական դաշտում մթնոլորտ փոխի, ԽԱՊԿ ղեկավարը նշեց՝ դրական ակնկալիքներ ունեն։
Մանրամասները՝ տեսանյութում։
