17.07.2026 | 15:10
Հայ ձկնաբույծների 97%-ը պատրաստ է ԵՄ արտահանմանը // Ֆուտբոլի ԱԱ եզրափակչի անցկացումը՝ վտանգի տակ․ ԼՈՒՐԵՐ
Օմանում վաղը ծրագրված ԱՄՆ-Իրան տեխնիկական բանակցությունները հետաձգում են մինչև ապրիլի 26-ը
Քաղաքականություն
23.04.2025 | 11:09
Իրանը հայտարարել է Օմանում ԱՄՆ-ի հետ վաղը նախատեսված փորձագետների մակարդակով տեխնիկական բանակցությունների տեղափոխման մասին մինչև ապրիլի 26-ը:
Իրանն օրեր առաջ հայտարարել էր, որ ապրիլի 23-ին Օմանում կանցկացվեն փորձագետների մակարդակով տեխնիկական բանակցություններ, իսկ ապրիլի 26-ին տեղի կունենա անուղղակի բանակցությունների հերթական փուլը:
Ինչպես հաղորդում է իրանական պաշտոնական ԻՌՆԱ գործակալությունը, Իրանի ԱԳՆ ներկայացուցիչ Իսմայիլ Բաղային հանդես է եկել հայտարարությամբ:
Բաղայը հայտնել է, որ Օմանի առաջարկով և իրանական ու ամերիկյան պատվիրակությունների փոխադարձ համաձայնությամբ, փորձագետների մակարդակով տեխնիկական բանակցությունները, որոնք պետք է անցկացվեին վաղը կողմերի միջև անուղղակի երկխոսության շրջանակներում, տեղափոխվել է մինչև ապրիլի 26-ը, և այդ բանակցությունները տեղի կունենան պատվիրակությունների ղեկավարների մասնակցությամբ:
Հիշեցնենք, որ ԱՄՆ նախագահ Դոնալդ Թրամփը, նախագահության առաջին շրջանում՝ 2018-ին, միակողմանիորեն դուրս եկավ վեց գերտերությունների և Իրանի միջև ստորագրված միջուկային համաձայնագրից՝ վերականգնելով պատժամիջոցներն Իրանի նկատմամբ։ Այժմ նա հայտարարում է, թե մտադիր է Իրանի դեմ ճնշումը հասցնել առավելագույն մակարդակի, որպեսզի Թեհրանի հրաժարվի միջուկային նկրտումներից։
Անցյալ ամիս ԱՄՆ նախագահը նամակ ուղարկեց Իրանի հոգևոր առաջնորդ Այաթոլահ Ալի Խամենեին՝ կոչ անելով ուղղակի միջուկային բանակցությունների: Նամակի պատասխանը Իրանը փոխանցել է Օմանի միջոցով:
Այս նամակագրությունից հետո ապրիլի 12-ին Օմանում կայացան առաջին անուղղակի բանակցությունները Իրանի և ԱՄՆ-ի միջև:
Ապրիլի 19-ին կողմերը կրկին հանդիպեցին Հռոմում՝ Օմանի միջնորդությամբ: Իրանը և ԱՄՆ-ը հայտարարել են բանակցությունների ընթացքում ձեռք բերված առաջընթացի մասին:
