Բժշկության ոլորտի մագիստրոսական կրթական ծրագիր՝ Բոստոնի համալսարանի հետ համատեղ

Լուրեր

19.11.2026 | 17:11
Օլիմպիական չեմպիոնը երեք տարով որակազրկվել է դոպինգի համար
19.11.2026 | 17:07
Ինչո՞ւ հետաձգվեց, ապա չեղարկվեց Միրզոյանի և Գերմանիայի ԱԳ նախարարի համատեղ ասուլիսը
19.11.2026 | 17:00
ԱՄՆ-ում ռուսաստանցի է ձերբակալվել լրտեսության մեղադրանքով․ նա հետևել է Ուկրաինային աջակցող ընկերության գործունեությանը
19.11.2026 | 16:51
Փաշինյանը դեկտեմբերի 3-ին կմեկնի Մոսկվա և կհանդիպի Պուտինի հետ․ ՏԵՍԱՆՅՈՒԹ
19.11.2026 | 16:46
Ամերիկյան AECOM-ը Մհեր Գրիգորյանին ներկայացրել է ԹՐԻՓՓ նախագծի տեխնիկատնտեսական ուսումնասիրության նախնական արդյունքները
19.11.2026 | 16:35
Բագրատ արքեպիսկոպոս Գալստանյանի տնային կալանքի ժամկետը 3 ամսով երկարաձգվեց
19.11.2026 | 16:24
Գրեթե բոլոր ռուսական բանկերը սանկցիաների տակ են, մեզ համար դա խնդիրներ է ստեղծում․ Մարտին Գալստյան․ ՏԵՍԱՆՅՈՒԹ
19.11.2026 | 16:13
Կրեմլը հայտնել է, որ Ուկրաինայի թեման ԱՄՆ-ի և Չինաստանի հետ եռակողմ հանդիպման առանցքային հարցը չի եղել
19.11.2026 | 16:05
Խվիչա Կվարացխելիան տարվա մարդ է ճանաչվել GQ France ամսագրի վարկածով
19.11.2026 | 15:55
Հայաստանի տնտեսությունը տուժել է, որպեսզի ընդդիմությունն ավելի շատ քվե ստանա՞․ Ռուբինյան․ ՏԵՍԱՆՅՈՒԹ
19.11.2026 | 15:51
Պուտինը, Թրամփն ու Սի Ցզինպինը համատեղ հռչակագիր են ընդունել․ ինչ կետեր են ներառված
19.11.2026 | 15:47
ՖԻՖԱ-ի նախագահի պաշտոնում առաջադրվել է երեք թեկնածու
19.11.2026 | 15:38
Թբիլիսիի բնակելի շենքերից մեկում պայթյուն է տեղի ունեցել․ փլատակների տակ 7 մարդ կա, այդ թվում՝ երեխաներ
19.11.2026 | 15:30
Վազգեն Սարգսյանի անվան ռազմական ակադեմիայի կուրսանտները մասնակցել են Չինաստանում անցկացված միջազգային ծրագրին
19.11.2026 | 15:21
Բաքուն արդարացրել է հայ գերիների շինծու դատավճիռները և Ֆրանսիային կոչ արել «զերծ մնալ Ադրբեջանի ներքին գործերին միջամտելուց»
Բոլորը

ՀՀ կրթության, գիտության, մշակույթի և սպորտի նախարար Ժաննա Անդրեասյանն այսօր մասնակցել է առողջապահության ոլորտի մասնագետների կրթության (Health Professions Education, HPE) զարգացմանն ուղղված ծրագրի բացման միջոցառմանը: Այս մասին տեղեկացնում են ԿԳՄՍՆ-ից։

Միջոցառման ընթացքում ներկայացվել են առողջապահության ոլորտի մասնագետների կրթության (HPE) հայեցակարգը և մագիստրոսական նոր ծրագիրը (MSHPE), որն իրականացվում է ԿԳՄՍ և Առողջապահության նախարարությունների, Երևանի Մխիթար Հերացու անվան պետական բժշկական համալսարանի և ակադեմիկոս Ս. Ավդալբեկյանի անվան Առողջապահության ազգային ինստիտուտի հետ համագործությամբ՝ ՀԵՆԱՐ հիմնադրամի և Բոստոնի համալսարանի Չոբանյան և Ավեդիսյան բժշկական դպրոցի (BUCASM) հետ համատեղ:

Ծրագրի նպատակն է խթանել հմտությունների վրա հիմնված բժշկական կրթության զարգացմանն ուղղված բարեփոխումները՝ համատեղելով ազգային և միջազգային փորձը։

Ողջունելով ներկաներին՝ ԿԳՄՍ նախարարը կարևորել է բժշկական կրթության որակի և համակարգային բարեփոխմանն ուղղված նախաձեռնությունը:

«‎ՀՀ-ում ընթացող բարձրագույն կրթության և գիտության ոլորտների բարեփոխումների համատեքստում բուհերի մրցունակության բարձրացումը կարևոր թիրախ է»,- ասել է Ժաննա Անդրեասյանը՝ ընդգծելով, որ բարձրագույն կրթության համակարգում բժշկական կրթական ծրագրերն ամենագրավիչն են ինչպես տեղացի, այնպես էլ օտարերկրյա ուսանողների շրջանում:

Ժաննա Անդրեասյանի խոսքով՝ Կրթության ռազմավարությամբ սահմանված՝ օտարերկրյա ուսանողների առնվազն կրկնապատկման թիրախի համար կրթության որակի բարելավումն առաջնային խնդիր է. «Կրթության համակարգի խնդիրները հնարավոր չէ լուծել՝ ‎առանց համագործակցության, միջազգային կապերի և փորձի համադրման: Խնդիրների լուծման ճանապարհն այդ փորձն ուսումնասիրելն ու մեկը մյուսից սովորելն է՝ դրանք տեղի կարիքներին համապատասխանեցնելու և, ըստ անհրաժեշտության, կիրառելու միջոցով: Միայն այսպես կարող ենք մեր երկրի առաջ ծառացած մարտահրավերներին արագ արձագանքել ու առաջ գնալ»,- ասել է նախարարը՝ շեշտելով, որ բժշկության ոլորտի մասնագիտական զարգացման նոր ծրագիրը դիտարկում է նշված համատեքստում:

Ժաննա Անդրեասյանը կարևորել է նաև ծրագրի համագործակցային բնույթը ոչ միայն միջազգային գործընկերների, այլև տեղի կառույցների միջև՝ հատկապես ակադեմիական քաղաքի համատեքստում:

Միջոցառմանը մասնակցել են նաև ՀՀ առողջապահության նախարար Անահիտ Ավանեսյանը, Բարձրագույն կրթության և գիտության կոմիտեի նախագահ Սարգիս Հայոցյանը, ՀԵՆԱՐ հիմնադրամի համահիմնադիր և հոգաբարձուների խորհրդի նախագահ Արման Ոսկերչյանը, Բոստոնի համալսարան–Հայաստան բժշկական համագործակցության տնօրեն դոկտոր Արամ Կալիգյանը և այլք:

Միջոցառումը կծառայի որպես բաց հարթակ հետդիպլոմային բժշկական կրթության վերաբերյալ քննարկումների և ներկայացումների համար՝ բարեփոխումների համատեքստում ընդգծելով կրթական ծրագրերի մշակման կարևորությունը:

Միջոցառման ընթացքում ծավալվել է քննարկում Հայաստանում ուսումնական ծրագրերի մշակման վերաբերյալ՝ դրանցում կարևորելով ոլորտային ռազմավարություններով նախանշված առաջնահերթությունների արտացոլումը և միջոլորտային համագործակցությունը։ Շեշտվել է, որ նմանօրինակ կրթական նախաձեռնությունները կենսական նշանակություն ունեն առողջապահության ոլորտում մարդկային ռեսուրսների զարգացման առումով։

Երկօրյա միջոցառումը կամփոփվի գործնական ուսուցմամբ՝ շեշտը դնելով HPE-ի դասավանդման և մեթոդաբանության առանձնահատկությունների վրա: