17.07.2026 | 13:58
Փոշու ամպ՝ ամեն մեքենայի անցնելուց. անմխիթար վիճակ Թբիլիսյան խճուղիում․ ՏԵՍԱՆՅՈՒԹ
ՌԴ-ն հարվածել է ուկրաինական Զապորոժիեին․ զոհ և 20-ից ավելի վիրավոր կա
Քաղաքականություն
22.04.2025 | 17:16
Ռուսական զորքերը հարված են հասցրել Ուկրաինայի Զապորոժիե քաղաքին, մեկ մարդ մահացել է։ Վիրավորվել է 23 մարդ, այդ թվում՝ չորս երեխա, հայտնել է Զապորոժիեի մարզային վարչակազմի ղեկավար Իվան Ֆյոդորովը, փոխանցում է Current time-ը։
Փրկարարների տվյալներով՝ 69-ամյա կին է մահացել, որը ծանր վիրավորում է ստացել։ Բժիշկները փորձել են վերակենդանացնել նրան, սակայն չեն կարողացել փրկել։ Այժմ բժիշկներն օգնություն են ցուցաբերում մյուս վիրավորներին:
Տեղական ժամանակով 11:29-ին Ֆյոդորովը հայտնել էր ուղղորդվող ավիառումբերի սպառնալիքի մասին, որից հետո քաղաքում պայթյուններ են լսվել։ Նրա խոսքով՝ ռումբերից մեկը հարվածել է ենթակառուցվածքային օբյեկտի, երկրորդը՝ խիտ բնակեցված տարածքի։
Բացի այդ, ռուսական զորքերն անօդաչու թռչող սարքերով հարձակվել են Խարկովի վրա։ Խարկովի մարզային վարչակազմի ղեկավար Օլեգ Սինեգուբովի տեղեկացմամբ՝ վիրավորվել է չորս մարդ։
Խերսոնի մարզային վարչակազմի հաղորդմամբ էլ՝ ռուսական զորքերն անօդաչու թռչող սարքերով հարձակվել են Խերսոնի հիվանդանոցի վրա, որի հետևանքով չորս մարդ վիրավորվել է։
Հիշեցնենք, որ ավելի վաղ ռուսական զորքերը ԱԹՍ-ներով զանգվածային հարված էին հասցրել Օդեսային։
Թարգմանությունը՝ Էմմա Չոբանյանի
