08.09.2026 | 19:45
Խաղից մինչև ֆինանսական գրագիտություն․ ինչ է առաջարկում Ամերիաբանկը դպրոցականների համար. ՏԵՍԱՆՅՈՒԹ
Ռուսական զորքերը ԱԹՍ-ներով զանգվածային հարված են հասցրել Օդեսային․ կան տուժածներ
Քաղաքականություն
22.04.2025 | 11:47
Ռուսական զորքերն ապրիլի 22-ի գիշերը անօդաչու թռչող սարքերով զանգվածային հարված են հասցրել Օդեսային։ Շրջանային ռազմական վարչակազմի ղեկավար Օլեգ Կիպերը հայտնում է, որ նախնական տվյալներով՝ վիրավորվել է երեք մարդ, բժիշկներն անհրաժեշտ օգնություն են ցուցաբերում։
Օդեսայի քաղաքապետ Գենադի Տրուխանովն էլ նշել է, որ անօդաչու թռչող սարքերից մեկը հարվածել է քաղաքի խիտ բնակեցված թաղամասում գտնվող բնակելի շենքին. վնասվել են բազմաթիվ բնակարաններ։ Նրա խոսքով՝ տեղում հրդեհ է բռնկվել, դեպքի վայրում աշխատում են արտակարգ իրավիճակների և կոմունալ ծառայությունների աշխատակիցները։
Ռուսական զորքերն օդային հարվածներ են հասցրել Օդեսային և Օդեսայի մարզին նաև ապրիլի 20-ին։ Այդ ժամանակ, ըստ Օլեգ Կիպերի, վիրավորվել էր երեք մարդ, այդ թվում՝ անչափահասներ։
Ուկրաինայի նախագահ Վլադիմիր Զելենսկին էլ նախօրեին հայտարարել էր, որ Կիևը վերահաստատում է իր առաջարկը՝ չհարվածել առնվազն քաղաքացիական ենթակառուցվածքներին։
«Եվ մենք Մոսկվայից ակնկալում ենք հստակ պատասխան։ Մենք պատրաստ ենք ցանկացած քննարկման այն մասին, թե ինչպես ապահովել դա։ Կա ակնհայտ, ամենապարզ և ամենահուսալի միջոցը՝ դադարեցնել հրթիռային և հեռահար անօդաչու թռչող սարքերի հարվածները»,- նշել էր նա։
Թարգմանությունը՝ Էմմա Չոբանյանի
