09.09.2026 | 11:04
ԱԺ ֆինանսավարկային և բյուջետային հարցերի մշտական հանձնաժողովի նիստը․ ՈՒՂԻՂ
Հայտնի է Հռոմի Ֆրանցիսկոս պապի հուղարկավորության օրը
Քաղաքականություն
22.04.2025 | 12:43
Վատիկանը հայտնում է, որ Հռոմի Ֆրանցիսկոս պապի հուղարկավորության արարողությունը տեղի կունենա այս շաբաթ՝ ապրիլի 26-ին, տեղական ժամանակով 10:00-ին, Սուրբ Պետրոսի տաճարի դիմացի հրապարակում, գրում է France 24-ը։
Արարողությունը կանցկացնի Կարդինալների քոլեջի դեկան, կարդինալ Ջովաննի Բատիստա Ռեն։
Երկուշաբթի մահացած 88-ամյա արգենտինացի Պապի դագաղը կտեղափոխվի եկեղեցու ներս, որտեղից էլ՝ Հռոմի Սանտա Մարիա Մաջորե տաճար՝ թաղման համար։
Ավելի վաղ Վատիկանը հրապարակել էր Հռոմի պապի կտակը, որում նա խնդրել է իրեն հուղարկավորել Սանտա Մարիա Մաջորե բազիլիկում՝ առանց որևէ հատուկ զարդարանքի։
Թարգմանությունը՝ Էմմա Չոբանյանի
