19.12.2025 | 12:34
Քննիչի անբարեխիղճ վերաբերմունքի հետևանքով նախաքննական մարմինը զրկվել է ապացույցներ ձեռք բերելու հնարավորությունից․ ՀԿԿ
Ամերիկացի կարդինալը՝ մինչ նոր Պապի ընտրությունը Վատիկանի ժամանակավոր ղեկավար
Քաղաքականություն
21.04.2025 | 17:38
Հռոմի Ֆրանցիսկոս պապի մահից հետո, մինչև նոր Պապի ընտրությունը, Սուրբ աթոռի տեղապահ է դարձել ԱՄՆ-ից կարդինալ Քևին Ֆարելը, գրում է CNN-ը։ Դուբլինում ծնված Ֆարելը ԱՄՆ քաղաքացի է դարձել՝ այստեղ երկար տարիներ որպես հոգևորական ծառայելուց հետո։
Ֆարելը, որը Դալլասի նախկին եպիսկոպոս է, զբաղեցնում է «կամերլենգոյի» կամ սենեկապետի պաշտոնը, որը Վատիկանի գործող ղեկավարն է դառնում Պապի մահվան կամ հրաժարականի և հաջորդ կաթոլիկ առաջնորդի նշանակման միջև ընկած ժամանակահատվածում։ 77-ամյա հոգևորականը բիզնեսի կառավարման մագիստրոսի աստիճան ունի Ինդիանայի Նոտր Դամի համալսարանից: Նա եկեղեցու կենտրոնական վարչակազմում ամենաբարձրաստիճան եպիսկոպոսն է ԱՄՆ-ից և հայտնի է որպես ուժեղ որոշում կայացնող և կազմակերպիչ:
Ֆարելի փորձը գրավել էր Հռոմի Ֆրանցիսկոս պապի ուշադրությունը, որը նրան դարձրել էր իր ամենահուսալի համագործակիցներից մեկը։ 2016 թվականին Ֆրանցիսկոսը Դալլասի այն ժամանակվա եպիսկոպոսին նշանակել է Վատիկանի աշխարհականների, ընտանիքի և կյանքի հարցերով պրեֆեկտ՝ ավելի ուշ նրան դարձնելով կարդինալ, իսկ երեք տարի անց՝ ընտրելով նրան կամերլենգոյի կարևոր և զգայուն պաշտոնում։
Թարգմանությունը՝ Էմմա Չոբանյանի
