01.10.2026 | 23:39
Արթուր Մարտիրոսյանը՝ ԱԺ աշխատակազմի ղեկավարի առաջին տեղակալ
Մոտ 35 000 քաղաքացի է հայտարարագիր լրացրել, փոքր տոկոս է․ Բաբկեն Թունյան․ ՏԵՍԱՆՅՈՒԹ
Հասարակություն
21.04.2025 | 13:00
«Մոտ 35 000 քաղաքացի է հայտարարագիր լրացրել, փոքր տոկոս է»,- այս մասին ԱԺ արտահերթ նիստում տեղեկացրեց ԱԺ տնտեսական հարցերի մշտական հանձնաժողովի նախագահի տեղակալ Բաբկեն Թունյանը։ Ըստ նրա՝ պատճառները տարբեր են։
Թունյանը նշեց, որ այդ փոքր թվի պատճառներից մեկը մարդկանց՝ դեռևս նույնականացման քարտ չունենալն է: Նրա խոսքով՝ պատճառներից է նաև այն, որ մարդիկ արդեն մի քանի ամիս գիտեն, որ հայտարարագրման վերջնաժամկետը տեղափոխվելու է նոյեմբերի 1, այսինքն՝ գիտեն, որ դեռևս ժամանակ ունեն:
«Նախագծով սահմանվում է ոչ միայն վերջնաժամկետը, այլ նաև հայտարարագրերի ներկայացման սկզբնական կետ: Հիմա ըստ օրենքի՝ մարդիկ կարող են հունվարի 1-ից մինչև մայիսի 1-ը հայտարարագիր լրացնել՝ ցանկացած օր: Ներկայացված օրենքի նախագծով հայտարարագրերի ներկայացման ժամկետի սկիզբը լինելու է մարտի 2-ը»,- ասաց նա։
Նշենք, որ խորհրդարանն առաջին ընթերցմամբ քննարկում է հայտարարագիր լրացնելու ժամկետի երկարաձգման հարցը։ Կառավարության նախորդ նիստում որոշվել էր համընդհանուր հայտարարագրումը երկարաձգել մինչև նոյեմբերի 1-ը։
Կառավարության հիմնավորման մեջ ասվում է, որ նախագծով առաջարկվել է փոփոխել ֆիզիկական անձանց եկամուտների համընդհանուր հայտարարագրման համակարգի շրջանակում եկամտային հարկի տարեկան հաշվարկների ներկայացման և եկամտային հարկի վճարման վերջնաժամկետները:
Հավելենք նաև, որ «ՀՀ հարկային օրենսգրքում լրացումներ և փոփոխություններ կատարելու մասին» նախագիծը նախաձեռնել և կառավարության քննարկմանն է ներկայացրել ԱԺ տնտեսական հարցերի մշտական հնաձնաժողովի նախագահի տեղակալ, «Քաղաքացիական պայմանագիր» խմբակցության պատգամավոր Բաբկեն Թունյանը։
Մանրամասները՝ տեսանյութում։
