21.12.2025 | 10:23
Աբովյան-Չարենցավանի և Դիլիջանի տարածաշրջանի ավտոճանապարհներին տեղ-տեղ մերկասառույց է
Քի՛չ գովեք քաղաքապետին, քի՛չ քծնեք. Աջապահյան․ ՏԵՍԱՆՅՈՒԹ
Քաղաքականություն
19.04.2025 | 11:36
Այն լուծը, որ Վարդան Ղուկասյանը քաշելու է, շատ ծանր և պարտավորեցնող է: Այս մասին Գյումրիի նորընտիր քաղաքապետ Ղուկասյանի երդմնակալության արարողության ժամանակ ասաց Շիրակի թեմի առաջնորդ Գերաշնորհ Տեր Միքայել արքեպիսկոպոս Աջապահյանը:
«Ես 20 տարի է՝ չեմ մասնակցել երդմնակալության արարողությունների: Երբ ինձ նորընտիր քաղաքապետի կողմից հրավեր է եղել ներկա գտնվելու երդմնակալության արարողությանը, ոչ մի պայման չեմ քաշել և եկել եմ, որովհետեւ այս վիճակում մանր-մունր հարցերով զբաղվելու ժամանակը չէ, թե ով է ավելի կարևոր այս քաղաքում, այդ հարցը քննարկելու ժամանակը չէ: Մենք պատրաստ ենք լինելու այնտեղ, որտեղ մեր անհրաժեշտությունը կա։ Ինձ ու պարոն քաղաքապետին միավորում է այս քաղաքի նկատմամբ սերն ու նվիրվածությունը։ Քիչ գովե՛ք պարոն քաղաքապետին, քիչ շողոքորթե՛ք, քիչ քծնե՛ք»,- նշեց արքեպիսկոպոսը:
Հիշեցնենք՝ կոմկուսի ցուցակով առաջադրված Վարդան Ղուկասյանը 18 կողմ, 0 դեմ ձայներով Գյումրիի համայնքապետ ընտրվեց ապրիլի 16-ին ավագանու անդրանիկ նիստում։
Մանրամասները՝ տեսանյութում։
