25.05.2026 | 10:28
Կարեն Խաչանովը հաղթանակով է մեկնարկել «Ռոլան Գարոսում»
Գյումրիի նորընտիր քաղաքապետ Վարդան Ղուկասյանը երդվեց․ ՏԵՍԱՆՅՈՒԹ
Քաղաքականություն
19.04.2025 | 11:21
Գյումրիի քաղաքապետարանում այսօր՝ ապրիլի 19-ին, տեղի ունեցավ նորընտիր քաղաքապետ Վարդան Ղուկասյանի երդմնակալության արարողությունը:
Կոմկուսի ցուցակով առաջադրված և ավագանու անդամների 18 կողմ ձայնով քաղաքապետ ընտրված Վարդան Ղուկասյանը երդվեց։
«Ստանձնելով ՀՀ Շիրակի մարզի Գյումրի քաղաքի ղեկավարի պաշտոնը՝ երդվում եմ համայնքի ղեկավարի լիազորությունները իրականացնելիս պահպանել ՀՀ Սահմանադրությունը, օրենքները, համայնքի ավագանու որոշումները, ազնվորեն և բարեխղճորեն կատարել համայնքի ղեկավարի լիազորությունները, ծառայել քաղաքի բարգավաճմանը, գործել ի բարօրություն նրա բնակիչների, պարտավորվում եմ պաշտպանել քաղաքի իրավունքները, օրինական շահերը և սեփականությունը։ Ուժերիս անմնացորդ նվիրումով սատարել ժողովրդի հավատի, նպաստել նրա նյութական և հոգևոր վերելքին։ Շնորհակալություն»,- այսպես երդվեց Գյումրին 13 տարի ղեկավարած Վարդան Ղուկասյանը։
Հիշեցնենք՝ կոմկուսի ցուցակով առաջադրված Վարդան Ղուկասյանը 18 կողմ, 0 դեմ ձայներով Գյումրիի համայնքապետ ընտրվեց ապրիլի 16-ին ավագանու անդրանիկ նիստում։
Մանրամասները՝ տեսանյութում։
