19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Ռուբինյանը Գալուզինի հետ հայ-թուրքական հարաբերությունների կարգավորման հարցեր է քննարկել
Քաղաքականություն
18.04.2025 | 16:38
ՌԴ ԱԳ փոխնախարար Միխայիլ Գալուզինը հեռախոսազրույց է ունեցել և ՀՀ Ազգային ժողովի փոխնախագահ, Թուրքիայի հետ հարաբերությունների կարգավորման հարցերով Հայաստանի հատուկ ներկայացուցիչ Ռուբեն Ռուբինյանի հետ։ ՌԴ ԱԳՆ-ի հաղորդմամբ՝ ռուսական կողմը հաստատել է իր պատրաստակամությունը՝ շարունակել նպաստել Երևանի և Անկարայի միջև ընդհանուր կետեր գտնելու գործընթացին, քանի որ «հայ-թուրքական հարաբերությունների բարելավումը կարևոր գործոն է Հարավային Կովկասի կայունության և կայուն զարգացման համար»։
Ռուբինյանը տեղեկացրել է Հայաստանի և Թուրքիայի միջև հարաբերությունների կարգավորման ոլորտում վերջին զարգացումների մասին։
Քննարկվել են նաև հայ-ռուսական հարաբերություններին վերաբերող մի շարք հարցեր, ինչպես նաև Հարավային Կովկասի տարածաշրջանում փոխգործակցությունը, այդ թվում՝ 3+3 տարածաշրջանային համագործակցության հարթակի (Ադրբեջան, Հայաստան, Վրաստան գումարած Ռուսաստան, Իրան, Թուրքիա) շրջանակում։
Նշվում է, որ կարծիքների փոխանակումը տեղի է ունեցել կառուցողական մթնոլորտում։
Թարգմանությունը՝ Էմմա Չոբանյանի
