08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
ՌԴ-ն կարող է Ուկրաինայի որոշ տարածքներ ստանալ, բայց ոչ բոլորը, որոնց հավակնում է․ Թրամփի ներկայացուցիչ
Քաղաքականություն
18.04.2025 | 17:39
ԱՄՆ նախագահի հատուկ բանագնաց Սթիվ Ուիթկոֆը հայտարարել է, որ Ռուսաստանը խաղաղության բանակցությունների արդյունքում կարող է ստանալ Ուկրաինայի որոշ տարածքներ, գրում է The Wall Street Journal-ը, որին վկայակոչում է BBC-ի ռուսական ծառայությունը։
«Նա ասել է, որ Ռուսաստանը կարող է ստանալ որոշ տարածքներ, բայց ոչ բոլորը, որոնց հավակնում է»,- գրում է լրատվամիջոցը։
Ուիթկոֆը նաև ենթադրություն է հայտնել է, որ Ուկրաինային, հնարավոր է, «ավելի քիչ են մտահոգում որոշ տարածաշրջաններ, որտեղ ռուսերեն են խոսում»։
Նախօրեին Ուկրաինայի նախագահ Վլադիմիր Զելենսկին հայտարարել էր, որ «Ուիթկոֆն իր համար ընդունել է ռուսական կողմի ռազմավարությունը»։
Ուիթքոֆը վերջերս հանդիպել էր ՌԴ նախագահ Վլադիմիր Պուտինի հետ Սանկտ Պետերբուրգում, իսկ ավելի ուշ հայտարարել, որ քննարկել է Ուկրաինայի «հինգ տարածքների» հարցը, որոնք Մոսկվան փորձում է բռնակցել։ Միևնույն ժամանակ, Ուիթկոֆն ասել է, որ Պուտինի հետ հանդիպումից հետո ինքը պատկերացում է կազմել, թե ինչ պայմաններ է առաջարկում Մոսկվան մշտական խաղաղության հասնելու համար։
Թարգմանությունը՝ Էմմա Չոբանյանի
