29.04.2026 | 23:40
Հայաստան–ՄԱԿ համագործակցություն․ ուշադրության կենտրոնում՝ խոցելի խմբերի պաշտպանությունը
Բաքվում ընթացող շինծու գործերով նիստում «տուժողներից» մեկը ցուցմունք է տվել հայ գերիներից Մադաթ Բաբայանի դեմ
Քաղաքականություն
18.04.2025 | 15:44
Բաքվի զինվորական դատարանում, դատավոր Զեյնալ Աղաևի նախագահությամբ, ընթանում է Արցախի ղեկավարների և այլ պաշտոնյաների՝ ընդհանուր 15 անձի նկատմամբ հարուցված շինծու գործերով հերթական դատական նիստը։ Ադրբեջանական լրատվամիջոցների հաղորդմամբ՝ այսպես կոչված «տուժողներից» մեկը, իբր, Խոջալուի բնակիչ Յաշար Ալմամեդովը, պատմել է Արցախյան «առաջին պատերազմի ժամանակ հայկական գերության մեջ իրեն խոշտանգել է» հայ գերիներից Մադաթ Բաբայանը։
Ալմամեդովը պատմել է, թե ծնվել է «Խոջալուում 1956 թվականին և ապրել է այնտեղ իր ընտանիքի հետ»։ Նա նշել է, թե, իբր, 1992 թվականի փետրվարի 27-ին հայերի կողմից գերեվարվել է, ճանաչել է Մադաթ Բաբայանին, Արցախի նախկին նախագահներ Բակո Սահակյանին և Արկադի Ղուկասյանին։
Հիշեցնենք, որ նախորդ նիստը տեղի էր ունեցել ապրիլի 17-ին, որի ընթացքում հարցաքննվել էր Արցախի նախկին նախագահ Արկադի Ղուկասյանը, մի շարք «տուժողներ» ցուցմունքներ էին տվել։
Թարգմանությունը՝ Էմմա Չոբանյանի
