08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Թուրքիայի խորհրդարանի փոխնախագահը սրտի կաթվածով հոսպիտալացվել է
Քաղաքականություն
16.04.2025 | 19:10
Թուրքիայի խորհրդարանի փոխխոսնակ և քրդամետ «Ժողովուրդների հավասարություն և ժողովրդավարություն» կուսակցության պատգամավոր Սըրը Սուրեյա Օնդերը նախօրեի երեկոյան սրտի կաթված է ստացել, գրում են թուրքական լրատվամիջոցները։
Կուսակցությունն այս մասին հայտարարել է կեսգիշերից հետո տարածած գրավոր հայտարարության մեջ՝ նշելով, որ Օնդերը գտնվում է ծանր վիճակում։ «Մենք ուշադիր հետևում ենք նրա առողջությանը՝ հնարավորինս շուտ լավ լուրեր ստանալու համար», – ասվում է հայտարարության մեջ։ Լուրը տարածվելուց հետո հիվանդանոց են այցելել մի շարք հայտնի քաղաքական գործիչներ։
Օնդերը նշանակալի դեր է խաղացել Թուրքիայում վերջին քաղաքական զարգացումներում։ Նա քրդամետ կուսակցության պատվիրակության անդամ էր, որը վերջերս բանակցություններ էր վարել Քրդստանի աշխատավորական կուսակցության (PKK) բանտարկված առաջնորդ Աբդուլլահ Օջալանի հետ։ Հիշեցնենք, որ բանակցությունների արդյունքում Օջալանը PKK-ի լուծարման ու զինթափման կոչ էր արել։
Թարգմանությունը՝ Էմմա Չոբանյանի
