21.02.2026 | 13:52
Գերմանիայի կանցլեր Ֆրիդրիխ Մերցը վերընտրվել է Քրիստոնեա-դեմոկրատական միության ղեկավարի պաշտոնում
Սեպտեմբերին նախորդ տարվա համեմատ «Զվարթնոցում» ուղևորահոսքն աճել է 9.3 տոկոսով
Տնտեսություն
04.10.2018 | 16:49
Ընթացիկ տարվա սեպտեմբեր ամսին ՀՀ երկու օդանավակայաններում ուղևորահոսքը ընդհանուր կազմել է 278 719 մարդ՝ 2017 թվականի նույն ամսվա ցուցանիշը գերազանցելով 9.3 տոկոսով. տեղեկացնում է «Արմենիա Միջազգային Օդանավակայաններ» ՓԲԸ-ն:
2018թ. սեպտեմբերին, 2017թ. նույն ժամանակահատվածի համեմատ «Զվարթնոցում» ուղևորահոսքն ավելացել է 7.1 տոկոսով: Եթե 2017թ սեպտեմբերին «Զվարթնոց» միջազգային օդանավակայանի ծառայություններից օգտվել է 245 363 ուղևոր, ապա 2018թ սեպտեմբերի ցուցանիշը կազմում է 262 815 ուղևոր:
2018 թվականի սեպտեմբեր ամսին Գյումրու «Շիրակ» օդանավակայանում ուղևորահոսքը կազմել է 15 904 մարդ: 2017 թվականի նույն ամսվա 9 646 ուղևորահոսքի համեմատ աճը կազմել է 65 տոկոս:
| Ուղևորների թիվը 2017թ. սեպտեմբերին | Ուղևորների թիվը 2018թ. սեպտեմբերին | Տարբերությունը տոկոսային հարաբերությամբ | |
| <Զվարթնոց> | 245 363 | 262 815 | + 9 % |
| <Շիրակ> | 9 646 | 15 904 | + 65 % |
| Ընդամենը | 255 009 | 278 719 | + 9.3 % |
Տարեսկզբից Հայաստանի Հանրապետության երկու օդանավակայանների ուղևորահոսքը կազմել է 2 151 718 մարդ, որը 11.9 տոկոսով գերազանցում է նախորդ տարվա նույն ամիսների ցուցանիշը:
«Զվարթնոց» և «Շիրակ» օդանավակայաններում 2018 թվականի հունվար-սեպտեմբեր ամիսներին, նախորդ տարվա նույն ամիսների հետ համեմատած, 9.9 տոկոսով աճ են գրանցել նաև թռիչք- վայրէջքները:
