08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Ադրբեջանի ՊՆ-ն արձագանքել է Խնածախի ուղղությամբ կրակելու մասին ՀՀ ՊՆ-ի հայտարարությանը
Քաղաքականություն
14.04.2025 | 17:54
«Հայաստանի կողմից տարածված տեղեկատվությունը, թե, իբր, ադրբեջանական բանակի ստորաբաժանումները կրակ են բացել Խանազախ բնակավայրի ուղղությամբ, որի հետևանքով վնաս է հասցվել մշակութային կենտրոնին, անհիմն է, չի համապատասխանում իրականությանը և ապատեղեկատվություն է»։ Այսպես է արձագանքել Ադրբեջանի ՊՆ-ն Հայաստանի ՊՆ-ի հայտարարությանը Սյունիքի մարզի Խնածախ բնակավայրի ուղղությամբ կրակ բացելու հայտարարությանը։
«Մենք ևս մեկ անգամ հայտարարում ենք, որ ադրբեջանական բանակի ստորաբաժանումները երբեք կրակ չեն բացում քաղաքացիական անձանց և քաղաքացիական օբյեկտների վրա։ Մեր բանակը համարժեք միջոցներ է ձեռնարկում միայն մեր դիրքերը հրետակոծող հայկական զինված ուժերի սադրանքներին ի պատասխան: Նման ապատեղեկատվություն տարածելով՝ հակառակորդը փորձում է կեղծ տպավորություն ստեղծել միջազգային հանրության մոտ և փորձում է թաքցնել վերջին օրերին իր կողմից իրականացվող սադրանքները, որը պարբերաբար տարբեր ուղղություններից գնդակոծում է ադրբեջանական բանակի դիրքերը»,- նշում է Ադրբեջանի ՊՆ-ն՝ որևէ ապացույց չներկայացնելով։
Ի տարբերություն Բաքվի՝ ՀՀ ՊՆ-ն այսօր ադրբեջանական սադրանքի լուսանկարներ էր ներկայացրել, որի հետևանքով վնասվել է Սյունիքի մարզի Խնածախ գյուղի մշակույթի տունը։
Թարգմանությունը՝ Էմմա Չոբանյանի
