18.12.2025 | 16:16
Նախարարի հրամանով ԶՈՒ ողջ անձնակազմը պարգևավճար կստանա. ՊՆ
Հրդեհ` Էջմիածին քաղաքում
13.04.2025 | 18:44
Ապրիլի 13-ին, ժամը 12:29-ին Արմավիրի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Էջմիածին քաղաքի Գրիգոր Նարեկացու փողոցի տներից մեկին կից այրվում է շոգեբաղնիք:
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ:
Պարզվել է, որ հրդեհը բռնկվել է Գրիգոր Նարեկացու փողոցի տներից մեկի բակում գտնվող շոգեբաղնիքում (մոտ 15 քմ) և զրուցարան-տաղավարի տանիքում (մոտ 40 քմ):
Հրդեհը մեկուսացվել է ժամը 12:51-ին, մարվել՝ 13:23-ին: Այրվել են զրուցարան-տաղավարի փայտե առաստաղը՝ մասամբ (մոտ 33 քմ) և շոգեբաղնիքը։ Կանխվել է հրդեհի տարածումը դեպի հարակից տուն:
