23.05.2026 | 22:35
Ո՞վ է ստում. Պապոյան-Քոչարյան հեռակա բանավեճ
Հայ և չին գեղանկարիչների աշխատանքների ցուցահանդես Պեկինում
Մշակույթ
04.10.2018 | 11:43
Հոկտեմբերի 1-ին Պեկինի հայտնի Պատաչու զբոսայգում «Չինաստանի միջազգային բարեկամության և մշակութային փառատոն» կազմակերպությունը ՉԺՀ-ում ՀՀ, Կուբայի և Վիետնամի դեսպանությունների աջակցությամբ կազմակերպել է գեղանկարչական ցուցահանդես, որը շարունակվելու է 7 օր։ Միջոցառմանը ցուցադրված են չին նկարիչների կողմից հայկական և հայ նկարիչների կողմից չինական տեսարաններ պատկերող կտավներ, ինչպես նաև այդ կտավների՝ չինական ավանդական թուղթ կտրելու ոճով /Chinese Papercut/ պատրաստված կրկնօրինակները։
Բացման խոսքով հանդես եկան ՉԺՀ-ում ՀՀ դեսպան Սերգեյ Մանասարյանը, ինչպես նաև Չինաստանում Կուբայի դեսպանը, Վիետնամի փոխդեսպանը, Պեկինի քաղաքապետարանի ներկայացուցիչներ: Այնուհետև, ցուցադրվեցին մասնակից երկրները պատկերող կարճ տեսանյութեր, որից հետո տեղի ունեցավ կարճ համերգ։
Միջոցառման մասնակիցների համար հասանելի են նաև Հայաստանը ներկայացնող չինական ամսագրի օրինակներ։
