Էրդողանն Ալիևի հետ հանդիպմանը գոհունակություն է հայտնել Ադրբեջանի և ՀՀ-ի միջև խաղաղության գործընթացում առաջընթացի կապակցությամբ

Թուրքիայի նախագահ Ռեջեփ Թայիփ Էրդողանը և Ադրբեջանի նախագահ Իլհամ Ալիևն Անթալիայում տեղի ունեցած հանդիպմանը  քննարկվել են երկրների երկկողմ հարաբերությունները, տարածաշրջանային և միջազգային օրակարգի հարցեր, հայտնում է Թուրքիայի նախագահականի հաղորդակցության բաժինը։

Հաղորդագրության համաձայն՝ Էրդողանը նշել է, որ Թուրքիան և Ադրբեջանը կշարունակեն քայլեր ձեռնարկել համագործակցությունը զարգացնելու համար հիմնականում մի շարք ոլորտներում, ինչպիսիք են էներգետիկան, տրանսպորտը և պաշտպանական արդյունաբերությունը։

«Նախագահ Էրդողանը գոհունակություն է հայտնել Ադրբեջանի և Հայաստանի միջև խաղաղության գործընթացի առաջընթացի կապակցությամբ, նշել է, որ Թուրքիան ցանկանում է Ադրբեջանին տեսնել որպես Հարավային Կովկասում խաղաղության ճարտարապետ և հավելել, որ Թուրքիան զգուշորեն շարունակում է Հայաստանի հետ հարաբերությունների կարգավորման գործընթացը»,- ասվում է հաղորդագրությունում։

Ադրբեջանական կողմի հաղորդմամբ էլ՝ հանդիպմանը «գոհունակություն է արտահայտվել Ադրբեջանի և Թուրքիայի միջև բոլոր ոլորտներում եղբայրական և դաշնակցային հարաբերությունների հաջող զարգացման կապակցությամբ, քննարկվել են երկկողմ համագործակցության հեռանկարները»։

Ալիևը շնորհակալություն է հայտնել Էրդողանին Անթալիայի դիվանագիտական ​​ֆորումին հրավերի համար՝ նշելով, որ թե այդ  «միջոցառումն աշխարհի առաջատար հարթակներից մեկն է արդիական միջազգային հարցերի քննարկման համար»։

Թարգմանությունը՝ Էմմա Չոբանյանի