15.07.2026 | 10:11
Իսպանիայի հավաքականը կրկնեց Իտալիայի անպարտելիության ռեկորդը
Պեսկովը հաստատել է՝ Թրամփի բանագնացը ՌԴ է ժամանել
Քաղաքականություն
11.04.2025 | 12:56
ԱՄՆ նախագահ Դոնալդ Թրամփի հատուկ բանագնաց Սթիվ Ուիթկոֆը ժամանել է Ռուսաստան, լրագրողների հետ զրույցում հայտնել է ՌԴ նախագահի մամուլի խոսնակ Դմիտրի Պեսկովը, գրում է ՌԻԱ Նովոստին։
«Այո, հաստատում եմ, նա իսկապես ժամանել է Ռուսաստան»,- ասել է Կրեմլի խոսնակը։
Պեսկովը նաև խոստացել է տեղեկացնել, եթե ՌԴ նախագահ Վլադիմիր Պուտինի գրաֆիկում հայտնվի Ուիթկոֆի հետ հանդիպումը։ Նա նշել է, որ Պուտինն այսօր խորհրդակցություն է անցկացնելու ռազմածովային նավատորմի զարգացման հարցերի շուրջ։
Հիշեցնենք՝ Axios-ը հայտնել էր, որ Թրամփի հատուկ բանագնաց Սթիվ Ուիթկոֆը մեկնել է Ռուսաստան, սպասվում է, որ նա այսօր՝ ապրիլի 11-ին հանդիպելու է ՌԴ նախագահ Վլադիմիր Պուտինի հետ։
Ըստ FlightRadar24-ի՝ Ուիթկոֆի՝ Ռուսաստան թռչող ինքնաթիռը ուրբաթ առավոտյան վայրէջք է կատարել Սանկտ Պետերբուրգում։ Gulfstream G650ER ինքնաթիռը թռել է Ֆլորիդայից և վայրէջք կատարել «Պուլկովո» օդանավակայանում։
Թարգմանությունը՝ Էմմա Չոբանյանի
