Թուրքիան Իսրայելի հետ շփումների մեջ է՝ Սիրիայում «ռազմական թյուրըմբռնումները կանխելու համար»․ Ֆիդան

Լուրեր

19.11.2026 | 19:00
«Խոսելու ժամանակը կգա»․ դատավոր Գևորգ Պողոսյանը՝ իր մեղադրանքի մասին
19.11.2026 | 18:50
Նախարարը հորդորում է, որ համայնքի ղեկավարներն ինձ դատի տան, բայց ինքը չի տալիս․ Իրինա Յոլյան. ՏԵՍԱՆՅՈՒԹ
19.11.2026 | 18:37
Պուտինը պատմել է «փոխզիջումների» մասին, որոնց պետք է համաձայնել՝ պատերազմը դադարեցնելու համար
19.11.2026 | 18:29
Իտալական ակումբը պայմանագիր է կնքել շան հետ
19.11.2026 | 18:20
Հովհաննես Հովհաննիսյանը ևս 5 տարի կշարունակի լինել ԵՊՀ ռեկտոր
19.11.2026 | 18:10
Լատվիայի նոր կառավարությունը խոստացել է երկրի «ապառուսականացում» իրականացնել և սահմանափակել ռուսերենի օգտագործումը
19.11.2026 | 17:59
Ռուսաստանի պատասխանն ավելի ցավոտ կլինի․ Պուտինն առաջին անգամ մեկնաբանել է Ղրիմի կամրջին ուկրաինական հարվածները
19.11.2026 | 17:52
Նախազգուշացում եմ հայտարարում 75 համարի տակ հանդես եկող պատգամավորին․ Ռուբինյանը՝ Ղազարյանին․ ՏԵՍԱՆՅՈՒԹ
19.11.2026 | 17:42
Վեց երկիր, այդ թվում՝ ՀՀ-ն և ԱՄՆ-ն, դեմ են քվեարկել Իսլամական կազմակերպության հետ համագործակցության մասին ՄԱԿ-ի բանաձևին
19.11.2026 | 17:30
Արդյո՞ք Իրանն ու Ադրբեջանը կարող են դառնալ ռուսական գազի այլընտրանքային մատակարար
19.11.2026 | 17:19
Օլիմպիական չեմպիոնը երեք տարով որակազրկվել է դոպինգի համար
19.11.2026 | 17:07
Ինչո՞ւ հետաձգվեց, ապա չեղարկվեց Միրզոյանի և Գերմանիայի ԱԳ նախարարի համատեղ ասուլիսը
19.11.2026 | 17:00
ԱՄՆ-ում ռուսաստանցի է ձերբակալվել լրտեսության մեղադրանքով․ նա հետևել է Ուկրաինային աջակցող ընկերության գործունեությանը
19.11.2026 | 16:51
Փաշինյանը դեկտեմբերի 3-ին կմեկնի Մոսկվա և կհանդիպի Պուտինի հետ․ ՏԵՍԱՆՅՈՒԹ
19.11.2026 | 16:46
Ամերիկյան AECOM-ը Մհեր Գրիգորյանին ներկայացրել է ԹՐԻՓՓ նախագծի տեխնիկատնտեսական ուսումնասիրության նախնական արդյունքները
Բոլորը

Թուրքիայի արտաքին գործերի նախարար Հաքան Ֆիդանը հաստատել է, որ Անկարան տեխնիկական կապեր է պահպանում Իսրայելի հետ Սիրիայում՝ ռազմական թյուրըմբռնումները կանխելու համար, սակայն կտրականապես բացառել է որևէ երկրի, այդ թվում՝ Իսրայելի հետ հակամարտության մեջ մտնելու մտադրությունը, գրում է Turkiye today-ը։

CNN Turk-ի եթերում Ֆիդանը հավելել է, որ շփումներն իրականացվում են  ուղղակիորեն, երբ անհրաժեշտ է։ Նա նշել է, որ Սիրիայում ռազմական գործողությունները պահանջում են հակամարտությունների կարգավորման մեխանիզմ՝ նույն օդային տարածքում գործող բազմաթիվ օտարերկրյա դերակատարների պատճառով։

«Գործողություններ իրականացնելիս, լինեն դրանք օդային, թե այլ, անհրաժեշտ է մեխանիզմ՝ կանխելու այլ գործող անձանց հետ հակամարտությունները, ինչպիսիք են Միացյալ Նահանգները, Ռուսաստանը, Իրանը, իսկ հիմա՝ նաև Իսրայելը»,- ասել է Ֆիդանը։

Middle East Eye-ին ավելի վաղ երկու արևմտյան պաշտոնյաներ հաստատել էին, որ Թուրքիան և Իսրայելը քննարկումներ են սկսել Սիրիայում հակամարտություններից զերծ գծի ստեղծման վերաբերյալ՝ սիրիական ավիաբազաների, այդ թվում՝ Հոմսի T4 բազայի վրա Իսրայելի վերջին ավիահարվածներից հետո։

Միաժամանակ, երկու արևմտյան աղբյուրներ նշել են, որ բանակցություններում առաջընթաց է գրանցվել: Իրավիճակին ծանոթ մի աղբյուր նշել է, որ Սիրիայում այդ բանակցությունները սկսվել են անմիջապես իսրայելական ավիահարվածներից հետո։

«Իսրայելի և Թուրքիայի պաշտոնյաները նույն օրը հրապարակել են համապատասխան հայտարարություններ՝ ազդարարելով, որ չեն ձգտում հակամարտություն Սիրիայում»,- ասել է աղբյուրը՝ հաղորդագրությունը որակելով որպես «համակարգված»։

Ըստ տեղեկությունների՝ Թուրքիան պլանավորում էր ստուգել T4-ը՝ հնարավոր վերակառուցման համար, ինչպես նաև տեղակայել հսկողության համակարգեր, անօդաչու թռչող սարքեր և «Հիսար» տիպի հակաօդային պաշտպանության ստորաբաժանումներ: Քննարկվում է նաև այնտեղ ռուսական արտադրության C-400-ների ժամանակավոր տեղակայումը:

ԱՄՆ նախագահ Դոնալդ Թրամփի հետ հանդիպումից հետո Իսրայելի վարչապետ Բենիամին Նեթանյահուն հայտարարել էր, որ Իսրայելը «ցանկանում է խուսափել» Թուրքիայի հետ ցանկացած հակամարտությունից և մտահոգություն հայտնել տեղեկությունների վերաբերյալ, որ Թուրքիան և Սիրիան կարող են համատեղ պաշտպանական համաձայնագիր ստորագրել, որը ենթադրում է թուրքական զորքերի տեղակայում T4 ավիաբազայում։

Ֆիդանը հերքել է ագրեսիվ մտադրությունների մասին ցանկացած պնդում։ Նա քննադատել է Իսրայելի տարածաշրջանային ռազմավարությունը՝ ասելով, որ անընդունելի է Սիրիայում հակամարտություն հրահրելը՝ հետապնդելով էքսպանսիոնիստական ​​​​հավակնություններ։

«Ասադի անկումից ի վեր Իսրայելը համակարգված կերպով քանդել է Սիրիայի ռազմական ենթակառուցվածքը՝ հաջորդ կառավարությանը ոչինչ չթողնելով»,- նշել է նա։

Ֆիդանը ասել է, որ Պաղեստինի ու Գազայի հարցում «ԱՄՆ-ը պետք է, այսպես ասած, սահմանափակումներ սահմանի Նեթանյահուի համար և ուրվագծի հստակ շրջանակ»։

Սիրիայում ռազմական ավելի խորը ներգրավվածության վերաբերյալ հարցերին պատասխանելով՝ Ֆիդանը վստահություն  է հայտնել Թուրքիայի կարողությունների և տեսլականի նկատմամբ։

«Սիրիան ի վիճակի է հաղթահարել իր բազմաթիվ խնդիրներ՝ Թուրքիայի աջակցությամբ։ Նախ՝ մենք ունենք մտադրություն, ապա՝ կարողություն և տեսլական։ Մենք բացահայտ չենք հարձակվում որևէ երկրի վրա, որը չի հարձակվում մեզ վրա։ Բայց եթե անկայունություն առաջանա հարևան երկրում, որը սպառնում է մեզ, մենք չենք մնա անտարբեր»,- ասել է նա։

Թարգմանությունը՝ Էմմա Չոբանյանի