19.02.2026 | 16:48
Հայաստան կժամանի ԵՄ ներքին գործերի և միգրացիայի հարցերով հանձնակատարը
Կիևն ու Նիկոլաևը ռուսական ԱԹՍ-ների զանգվածային հարձակման են ենթարկվել․ կան վիրավորներ
Քաղաքականություն
10.04.2025 | 11:23
Ռուսական զորքերն ապրիլի լույս 10-ի գիշերը «Շահեդ» ԱԹՍ-ներով հարվածներ են հասցրել Կիևին և Նիկոլաևին։ Կան վիրավորներ։ Կիևի իշխանությունները հայտնում են քաղաքացիական ենթակառուցվածքների ավերման մասին, գրում է Current time-ը։
Ուկրաինայի արտակարգ իրավիճակների ծառայությունը հայտնում է, որ Դարնիցկի շրջանում վնասվել են տներ և մեքենաներ, ինչպես նաև ավերվել է օժանդակ շինություն։ Փրկարարների խոսքով՝ դեպքի վայրում օգնություն են ստացել երկու կին։
Կիևի Գոլոսեևսկի շրջանում անօդաչու թռչող սարքի բեկորներն ընկել են պահեստի տարածքի վրա, հրդեհ է բռնկվել, հայտնել է քաղաքապետ Վիտալի Կլիչկոն։
Նիկոլաևում էլ «Շահեդ» ԱԹՍ-ների հարվածի հետևանքով երկու հրդեհ է բռնկվել։ Արտակարգ իրավիճակների պետական ծառայությունը հայտնել է, որ անօդաչու թռչող սարքերի ընկնող բեկորների պատճառով հրդեհ է բռնկվել հինգ հարկանի շենքի բնակարանում, վնասվել են նաև այլ շենքեր։
Հաղորդվում է, որ Նիկոլաևում վիրավորվել է առնվազն 10 մարդ, նրանցից երեքը հոսպիտալացվել են։
Ուկրաինական ռազմաօդային ուժերը հայտնում են, որ ապրիլի լույս 10-ի գիշերը Ռուսաստանն Ուկրաինայի վրա հարձակվել է 145 ԱԹՍ-ներով, 85 անօդաչու խոցվել է։ Հարձակման հետևանքով տուժել են Կիևի, Նիկոլաևի, Խարկովի, Խմելնիցկիի, Պոլտավայի և Դոնեցկի մարզերը։
Թարգմանությունը՝ Էմմա Չոբանյանի
