13.12.2025 | 16:54
ԲԿ-ի տնօրենը պարզաբանել է՝ ինչպես է թուրքական շտապ օգնության մեքենան հայտնվել Նոր Նորքում
Չինաստանն ապրիլի 10-ից ԱՄՆ բոլոր ապրանքների համար մաքսատուրքերը հասցնում է 84 տոկոսի
Քաղաքականություն
09.04.2025 | 16:47
Չինաստանն ապրիլի 10-ից կբարձրացնի ամերիկյան բոլոր ապրանքների մաքսատուրքերը մինչև 84%։ Այս մասին հայտնում է Reuters-ը՝ հղում անելով Չինաստանի Ֆինանսների նախարարությանը։
Չինաստանի Առևտրի նախարարությունն էլ 12 ամերիկյան ընկերություններ է ավելացրել արտահանման վերահսկման ցուցակում, ևս վեց ամերիկյան ընկերություն հայտնվել է «անվստահելի կազմակերպությունների» ցուցակում։
Բացի այդ, Չինաստանը բողոք է ներկայացրել Առևտրի համաշխարհային կազմակերպություն՝ կապված ԱՄՆ մաքսատուրքերի հետ: Նշվում է, որ Պեկինի դեմ, այսպես կոչված, պատասխան մաքսատուրքեր սահմանելու՝ ԱՄՆ-ի որոշումը սպառնում է ապակայունացնել համաշխարհային առևտուրը և կվնասի Միացյալ Նահանգներին։
«Իրավիճակը վտանգավոր կերպով սրվել է: Որպես տուժած անդամներից մեկը՝ Չինաստանը լուրջ մտահոգություն է հայտնում և վճռականորեն դեմ է այս անխոհեմ քայլին»,- ասվում է հայտարարության մեջ։
Չինաստանի կողմից հավելյալ մաքսատուրքերի հայտարարումից հետո ԱՄՆ ֆոնդային ինդեքսների ֆյուչերսները կտրուկ նվազել են։ Այսպես, Dow E-minis-ը նվազել են 709 կետով (1,87%-ով), S&P 500 E-minis-ը՝ 86,5 կետով (1,72%-ով), իսկ Nasdaq 100 E-minis-ը՝ 250,75 կետով (1,45%-ով):
Հավելենք, որ ԱՄՆ նախագահ Դոնալդ Թրամփը ռեկորդային՝ 104 տոկոս մաքսատուրքեր է սահմանել չինական բոլոր ներմուծումների համար։
Թարգմանությունը՝ Էմմա Չոբանյանի
