25.05.2026 | 11:11
Երևան-Մեղրի ճանապարհին բախվել են «Mercedes» մակնիշի մարդատար և երկու «Iveco» մակնիշի բեռնատարներ. կան տուժածներ
Պետդեպը հայտնել է, որ ապրիլի 10-ին Ստամբուլում ԱՄՆ-ՌԴ հանդիպման օրակարգում Ուկրաինան չի լինելու
Քաղաքականություն
09.04.2025 | 11:01
ԱՄՆ-ը և Ռուսաստանը հինգշաբթի՝ ապրիլի 10-ին Ստամբուլում բանակցություններ կվարեն երկու երկրների դեսպանատների որոշ գործառնությունների վերականգնման շուրջ, որոնք կտրուկ կրճատվել են Ուկրաինա Մոսկվայի ներխուժումից հետո։ Այս մասին հայտնել է ԱՄՆ Պետքարտուղարությունը, գրում է AFP-ը։
«Կողմերը կփորձեն առաջընթաց գրանցել մեր երկկողմ առաքելությունների գործողությունների հետագա կայունացման հարցում։ Օրակարգում քաղաքական կամ անվտանգության հարցեր չկան, Ուկրաինան օրակարգում չկա, բացարձակապես չկա։ Այդ բանակցությունները կենտրոնացած են բացառապես մեր դեսպանատների գործունեության վրա, ոչ թե երկկողմ հարաբերությունների կարգավորման»,- լրագրողներին ասել է Պետքարտուղարության խոսնակ Թեմմի Բրյուսը։
Բանակցությունները շարունակվում են՝ չնայած Ռուսաստանև մերժել է Ուկրաինայի կողմից աջակցվող ԱՄՆ-ի առաջարկը 30-օրյա հրադադարի մասին։
Ուկրաինայի նախագահ Վլադիմիր Զելենսկին կիրակի ափսոսանք էր հայտնել Միացյալ Նահանգների արձագանքի բացակայության համար։ ԱՄՆ նախագահ Դոնալդ Թրամփն էլ հայտարարել էր, որ «ուրախ չէ, որ Ռուսաստանը խելագարի պես ռմբակոծում է» Ուկրաինան։
Պետքարտուղար Մարկո Ռուբիոն ավելի վաղ ասել էր, թե կարևոր է, որ Միացյալ Նահանգները և Ռուսաստանը վերսկսեն դեսպանատների աշխատանքն ավելի շատ անձնակազմով՝ բարելավելու համար շփումները՝ անկախ Ուկրաինայում իրավիճակից:
Հավելենք, որ ավելի վաղ ՌԴ ԱԳՆ-ն էր հայտնել էր Ստամբուլի տեղի ռուս-ամերիկյան բանակցությունների մասին։ ՌԴ ԱԳՆ պաշտոնական ներկայացուցիչ Մարիա Զախարովան հայտնել էր, որ ռուսական պատվիրակությունը կգլխավորի Ալեքսանդր Դարչիևը, այժմ՝ որպես ԱՄՆ-ում ՌԴ դեսպան, ամերիկյան պատվիրակությունը՝ պետքարտուղարի տեղակալ Սոնատա Քոուլթերը։
Թարգմանությունը՝ Էմմա Չոբանյանի
