30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
ՌԴ ԱԳՆ-ն հայտնել է Ստամբուլում ՌԴ-ԱՄՆ խորհրդակցությունների 2-րդ փուլի բանակցողների անունները
Քաղաքականություն
08.04.2025 | 22:19
Ռուսաստանի և ԱՄՆ-ի դիվանագետները մոտ օրերս կանցկացնեն դիվանագիտական առաքելությունների աշխատանքի կարգավորման վերաբերյալ խորհրդակցությունների երկրորդ փուլը։ Այս մասին լրագրողներին հայտնել է ՌԴ ԱԳՆ պաշտոնական ներկայացուցիչ Մարիա Զախարովան։
Նա նշել է, որ «հանդիպման անցկացման վայրը, փորձագիտական ձևաչափը և կազմը մնում են անփոփոխ, խորհրդակցությունները տեղի կունենան Ստամբուլում»։
«Ռուսական պատվիրակությունը նախկինի պետ գլխավորում է Ալեքսանդր Դարչիևը, այժմ՝ որպես ԱՄՆ-ում ՌԴ դեսպան։ Ամերիկյան պատվիրակությունը գլխավորում է պետքարտուղարի տեղակալ Սոնատա Քոուլթերը։ Մյուս մասնակիցները Ռուսաստանի և ԱՄՆ արտաքին քաղաքականության գերատեսչությունների ներկայացուցիչներ են»,- ասել է ՌԴ ԱԳՆ պաշտոնական ներկայացուցիչը։
Զախարովան նշել է, որ առաջիկա խորհրդակցությունների ժամանակ «տարվող բովանդակային աշխատանքը կշարունակվի երկու երկրների դիվանագետների աշխատանքին խոչընդոտող բազմաթիվ տեխնիկական խոչընդոտների վերացման ուղղությամբ»։
Հավելենք, որ ավելի վաղ ՌԴ նախագահի մամուլի քարտուղար Դմիտրի Պեսկովը հայտարարել էր, որ ռուս-ամերիկյան հաջորդ բանակցությունները տեղի կունենան ԱԳՆ-ների գծով Ստամբուլում։
Թարգմանությունը՝ Էմմա Չոբանյանի
