16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Ի՞նչ բոլոլա եք դարձրել, ես ՔՊ-ից վիրավորված չեմ. Հակոբ Ասլանյան․ ՏԵՍԱՆՅՈՒԹ
Քաղաքականություն
08.04.2025 | 17:27
«Ես ՔՊ-ից ընդհանրապես վիրավորված չեմ»,- դատարանի բակում լրագրողների հետ զրույցում ասաց ՔՊ խմբակցությունից հեռացված, այժմ անկախ պատգամավոր Հակոբ Ասլանյանը։
«Ես ասել եմ՝ շնորհակալ եմ ՔՊ-ին, որ Ասլանյանին վերադարձրեց Ասլանյանին։ ՔՊ-ից իմ դուրս գալը կապված է այն բանի հետ, որ ՔՊ-ն շեղվել է հեղափոխական սկզբունքներից, դրա համար մենք հեռացվել ենք։ Իրենք գնում են այլ ուղղությամբ, մենք նրանց հետ նույն ճանապարհը չենք կարող գնալ»,- ասաց Ասլանյանը։
Factor TV-ի հստակեցնող հարցին՝ եթե նրա ընկեր, ՔՊ-ական նախկին պատգամավոր Հովիկ Աղազարյանի նամակագրությունները ՔՊ-ում չընթերցեին և չհանրայնացնեին այդ մասին, այդ ժամանակ կխոստովանե՞ր, որ ՔՊ-ն շեղվել է հեղափոխական սկզբունքներից, Ասլանյանն արձագաքնեց։
«Ինչո՞ւ եք տանում այլ դաշտ, այնպիսի հարց եք տալիս․․․․ Իրողությունը դա է, ես ասել եմ այն, ինչ կա, եթեներ չկան։ Բոլոր հեղափոխություններից հետո էլ այդպես է լինում, երբ մարդիկ որոշակի ժամանակ հետո որոշակի ճանապարհ անցնելուց հետո իրարից հեռանում են, բաժանվում են, ի՞նչ եք դա դարձրել բոլոլա»,- նշեց անկախ պատգամավորը։
Մանրամասները՝ տեսանյութում։
Արփի Հակոբյան
