17.07.2026 | 17:20
Հրայր Թովմասյանը դիմել է Մարդու իրավունքների եվրոպական դատարան
Իսրայելը մտադիր է Ռաֆահը կտրել Գազայից՝ «Մորագ միջանցք» ստեղծելու համար. շենքեր են պայթեցվում, ուր մարդիկ կան․ Aljazeera
Քաղաքականություն
06.04.2025 | 14:30
Գազայի հատվածում վերջին 24 ժամվա ընթացքում իսրայելական հարձակումների հետևանքով զոհվել է առնվազն 46 մարդ, որոնցից 9-ը Խան Յունիսում՝ այսօր առավոտյան, որոնց թվում է նաև պաղեստինցի մի լրագրող․ գրում է Aljazeera-ն։
Գազայի Առողջապահության նախարարությունը հաստատել է , որ Գազայի դեմ Իսրայելի հայտարարած պատերազմի սկզբից ի վեր առնվազն 50,669 պաղեստինցի է սպանվել, 115,225-ը՝ վիրավորվել: Կառավարության լրատվական ծառայությունը, սակայն, թարմացրել է զոհերի թիվը՝ հայտնելով, որ այն հասել է ավելի քան 61,700-ի՝ նշելով, որ փլատակների տակ անհետ կորած հազարավոր մարդիկ, ենթադրաբար, զոհված են։
Իսրայելական բանակը հայտարարել է, որ իր զորքերը գործողություն են սկսել Գազայի հարավում՝ նոր ռազմական միջանցք ստեղծելու նպատակով: Այսպես կոչված Մորագ միջանցքը, կբաժանի Ռաֆահ քաղաքը Գազայի մնացած հատվածից:
«Զորքերը կրակում են բոլոր նրանց վրա, ովքեր մոտենում են այդ տարածքին: Միակ տարածքը, որն այժմ բաց է պաղեստինցիների համար, ափամերձ ճանապարհի Ալ-Ռաշիդ միջանցքն է», – գրում է լրատվամիջոցը:
Նշվում է, որ Իսրայելը փորձում է ավելի շատ հողերի տիրանալ, իսկ Ռաֆահը շատ կարևոր է, քանի որ դա Քարեմ Աբու Սալեմի գլխավոր ճանապարհն է [Գազայի և Իսրայելի միջև], այն պաղեստինցիների համար գլխավոր պատուհանն է Ռաֆահով:
Al Jazeera Arabic-ի գործընկերները հայտնել են, որ Իսրայելի զինվորականները Ռաֆահում շատ շենքեր են պայթեցրել և լուսադեմից գնդակոծել են քաղաքի հյուսիսային շրջանները:
ՄԱԿ-ը նշում է, որ իսրայելական ուժերը մարտի 18-ին հրադադարը խախտելուց հետո ամեն օր սպանում և վիրավորում են 100 պաղեստինցի երեխաների:
Թարգմանությունը՝ Անահիտ Խաչատրյանի
