25.06.2026 | 13:05
100 հազար դրամ պետական տուրք` 2026 թվականին արտադրված 2-րդ հեռախոս ներկրելու համար. Մխիթար Հայրապետյան․ ՏԵՍԱՆՅՈՒԹ
Երկու դրվագի համար հայցում ենք ձեր ներողամտությունը․ «Անկախ դիտորդ»-ը՝ ի պատասխան Լևոն Բարսեղյանի հարցման
Հասարակություն
04.04.2025 | 12:38
«Անկախ դիտորդ» դաշինքն ի պատասխան «Եվրադաշինք» կուսակցությունների դաշինքի Գյումրիի քաղաքապետի թեկնածու Լևոն Բարսեղյանի հարցման, պարզաբանում է ներկայացրել և ներողություն հայցել 2 դրվագով ոչ ճիշտ տեղեկություն տարածելու համար։
1․ 2025թ․ մարտի 31-ին «Անկախ դիտորդ» դաշինքի (այսուհետ` Դաշինք) ասուլիսում և հաջորդ օրը հրապարակված նախնական գնահատականում Դաշինքը նույնական ձևակերպում է օգտագործել «Գյումրու առաջընթաց» և «Հայաքվե» դիտորդական առաքելությունների վերաբերյալ, այդպիսով հանիրավի հայտարարելով, որ
««Գյումրու առաջընթաց» ՀԿ-ի առանձին դիտորդներ «Եվրադաշինք» կուսակցությունների դաշինքի վստահված անձինք են»:
Այս արձանագրումը հիմնված էր 31/44 տեղամասում «Գյումրու առաջընթաց» ՀԿ-ի մեկ դիտորդի սխալ ձևակերպման վրա, և, մեր գնահատմամբ, տվյալ դիտորդի ոչ կոմպետենտության, ոչ թե դիտավորության արդյունք էր։ Ցավում ենք, որ այս դեպքը ներկայացրել ենք հոգնակի բառաձևով, դրանով թյուր պատկերացում ստեղծելով ամբողջ «Գյումրու առաջընթաց» ՀԿ-ի դիտորդական առաքելության անկողմնակալության մասին և կասկածի տակ դնելով «Եվրադաշինք» կուսակցությունների դաշինքի բարեխղճությունը:
2․ 2025թ․ մարտի 28-ին Դաշինքը հրապարակել է տեղեկություն, որ ԿԸՀ-ից և համայնքապետարանից պահանջել է վերացնել «Եվրադաշինք» կուսակցությունների դաշինքի` խախտումով փակցված պաստառը։ Հետագայում, «Եվրադաշինք» կուսակցությունների դաշինքի կողմից առարկության և հրապարակային տեղեկատվության վերաստուգման արդյունքում պարզվել է, որ պաստառը վիճակահանությամբ և օրինական հիմքերով է տրամադրված եղել։ Այսպիսով, ներքին հաղորդակցության, տեղեկատվության վերստուգման ընթացակարգի թերացման պատճառով, Դաշինքը հանիրավի մեղադրել է Գյումրու համայնքապետարանին՝ ապօրինի որոշում կայացնելու մեջ։
Նշված երկու դրվագների համար «Անկախ դիտորդ» դաշինքը հրապարակային հայցում է ընթերցողների, լրագրողների, հիշատակված կառույցների ներկայացուցիչների ներողամտությունը։ Սխալները ընդունելը, պատճառները հասկանալն և շտկելը «Անկախ դիտորդ» դաշինքի սկզբունքն է և շարունակում է մնալ այդպիսին»:
Հիշեցնենք, որ Factor TV-ին տեղեկացրել էր, որ «Անկախ դիտորդ»-ը հայտարարություն է տարածել, ըստ որի՝ կարգի խախտմամբ պաստառի փակցման դեպք է արձանագրել Գյումրիում։
