09.04.2025 | 23:15
Հակոբ Արշակյանի գլխավորած պատվիրակությունը Տաշքենդում հանդիպել է Դանիայի պատվիրակության ղեկավարի հետ
Նեթանյահուն ժամանել է Հունգարիա՝ չնայած Հաագայի դատարանի կալանավորման օրդերին
Քաղաքականություն
03.04.2025 | 12:26
Իսրայելի վարչապետ Բենիամին Նեթանյահուն պետական այցով ժամանել է Հունգարիա: Բուդապեշտի օդանավակայանում Նեթանյահուին դիմավորել է Հունգարիայի պաշտպանության նախարար Քրիստոֆ Սալայ-Բոբրովնիցկին, գրում է DW-ի ռուսական ծառայությունը:
Նշենք, որ Միջազգային քրեական դատարանն (ՄՔԴ) ավելի վաղ Իսրայելի վարչապետին կալանավորման օրդեր էր տվել։ Հունգարիան ՄՔԴ անդամ է, ուստի, պարտավոր է կատարել դատարանի որոշումն ու կալանավորել Նեթանյահուին։ Հունգարիայի վարչապետ Վիկտոր Օրբանը, սակայն, վստահեցրել է, որ Իսրայելի վարչապետին ոչինչ չի սպառնում իր երկրում։
Անցյալ տարվա նոյեմբերի 21-ին ՄՔԴ-ն Նեթանյահուի և Իսրայելի պաշտպանության նախկին նախարար Յոավ Գալանտի կալանավորման օրդեր էր տվել՝ Գազայի հատվածում ռազմական գործողությունների համար: Հունգարիայի վարչապետ Վիկտոր Օրբանը կտրուկ դատապարտել էր այդ քայլը՝ խոստանալով Նեթանյահուին հրավիրել Բուդապեշտ և անտեսել դատարանի պահանջը։
Ավելի վաղ էլ «Ազատություն» ռադիոկայանի հունգարական ծառայությունը, վկայակոչելով Հունգարիայի արդարադատության նախարար Բենցե Տուժոնին, հայտնել էր, որ Բուդապեշտն օտարերկրյա դիվանագետներին ծանուցել է ՄՔԴ-ից դուրս գալու մասին: Ամբողջ գործընթացը կարող է տևել մինչև մեկ տարի։
Թարգմանությունը՝ Էմմա Չոբանյանի
