17.07.2026 | 17:20
Հրայր Թովմասյանը դիմել է Մարդու իրավունքների եվրոպական դատարան
««Զանգեզուրի միջանցքի» բացումը կխթանի Միջին միջանցքի զարգացմանը»․ Ադրբեջանի վարչապետը՝ Չինաստանի պատվիրակությանը
Քաղաքականություն
02.04.2025 | 16:15
Ադրբեջանի վարչապետ Ալի Ասադովը Չինաստանի Կոմունիստական կուսակցության կենտրոնական կոմիտեի միջազգային հարաբերությունների բաժնի ղեկավար Լյու Ցզյանչաոյի գլխավորած պատվիրակության հետ հանդիպմանը քննարկել է առևտրի, տնտեսության, ներդրումների, կանաչ էներգիայի, տրանսպորտի և լոգիստիկայի, թվային տեխնոլոգիաների և նորարարությունների, մշակույթի, հումանիտար կապերի և զբոսաշրջության ոլորտներում համագործակցության զարգացման հեռանկարների վերաբերյալ հարցեր։
Ադրբեջանական կողմի հաղորդմամբ՝ հանդիպմանը նշվել է, որ Ադրբեջանի նախագահ Իլհամ Ալիևի և Չինաստանի նախագահ Սի Ցզինպինի կողմից երկու երկրների միջև ռազմավարական գործընկերության հաստատման մասին համատեղ հռչակագրի ընդունումը միջպետական հարաբերությունները բարձրացրել է որակապես նոր մակարդակի։
«Զրույցի ընթացքում վարչապետը նշել է Միջին միջանցքի կարևորությունը Եվրասիայի, այդ թվում՝ Հարավային Կովկասի երկրների համար՝ ընդգծելով, որ «Զանգեզուրի միջանցքի» բացումը խթան կհաղորդի Միջին միջանցքի զարգացմանը»,-ասվում է ադրբեջանական կողմի հաղորդագրության մեջ։
Թարգմանությունը՝ Էմմա Չոբանյանի
