05.04.2026 | 21:21
Բախվել են VAZ և KIA մակնիշների ավտոմեքենաները․ կան տուժածներ և զոհ
Ալիևն անվանել է Հայաստանի հետ խաղաղության պայմանագրի կնքման Բաքվի պայմանները
Քաղաքականություն
02.04.2025 | 15:17
Խաղաղության պայմանագրի տեքստը լիովին համաձայնեցված է և բաղկացած է 17 կետից։ Այս մասին հայտարարել է Ադրբեջանի նախագահը Իլհամ Ալիևը Բաքվում Գերմանիայի նախագահ Ֆրանկ Վալտեր Շտայնմայերի հետ մամուլի համար արված հայտարարության մեջ։
«Ադրբեջանն այստեղ լրացուցիչ պայմաններ առաջ չի քաշում։ Մեր պայմանները հայտնի են Հայաստանին, դրանք նոր չեն։ Մենք վաղուց ենք այդ պայմաններն առաջ տանում, սակայն Հայաստանից դեռ լուրջ արձագանք չենք ստացել։ Սա ի՞նչ է։ Նախ՝ անհրաժեշտ է վերացնել ԵԱՀԿ Մինսկի խումբը: Երկրորդ հարցը կապված է Հայաստանի Սահմանադրության հետ։ Հայաստանի Սահմանադրությունը հղում է անում Հայաստանի անկախության հռչակագրին։ Այն Սահմանադրության անբաժանելի մասն է։ Այնտեղ դրույթ կա Ադրբեջանի օրինական, պատմական տարածքը Հայաստանին միավորելու մասին, և դա համարվում է մեր նկատմամբ բաց տարածքային պահանջ։ Դրա համար էլ այդ դրույթի բացառումը Հայաստանի Սահմանադրությունից հանդիսանում է մեր օրինական պահանջը»,- ասել է Ադրբեջանի նախագահը։
Ըստ Ալիևի՝ եթե այդ երկու պայմանները կատարվեն, ապա խաղաղության պայմանագրի ստորագրման համար որևէ խոչընդոտ չի լինի։
«Ինչպես ասում են՝ գնդակը Հայաստանի դաշտում է։ Եթե Հայաստանն իսկապես ցանկանում է խաղաղության պայմանագիր ստորագրել, ապա պետք է ընդունի Ադրբեջանի այս երկու օրինական պայմանները»,- հայտարարել է նա։
Թարգմանությունը՝ Էմմա Չոբանյանի
