25.05.2026 | 10:47
Էդուարդ Սպերցյան․ «Հնարավոր է՝ իմ վերջին հանդիպումն էր «Կրասնոդարի» կազմում»
Իսրայելը պատանդների ազատ արձակման նոր գործարք է առաջարկում՝ Գազայում մարտերը շարունակելուն զուգահեռ
Քաղաքականություն
01.04.2025 | 14:49
Իսրայելն առաջարկում է Գազայում երկարացնել հրադադարը՝ մնացած պատանդների մոտ կեսին վերադարձնելու դիմաց։ Այս մասին հայտնել են իսրայելցի պաշտոնյաները։ Մինչ այդ, զինվորականները տարհանման նոր հրամաններ են տվել՝ հայտարարելով, որ «ինտենսիվ գործողություններ» են նախատեսվում Գազայի հարավում։
Վերջին առաջարկները բաց են թողնում Իսրայել-ՀԱՄԱՍ պատերազմի ավարտի վերաբերյալ վերջնական համաձայնությունը։
Իսրայելի պաշտոնյաները նախատեսում են վերադարձնել Գազայում մնացած 24 պատանդներից կեսին, որոնք, ենթադրվում է, դեռ ողջ են ՀԱՄԱՍ-ի գրոհայինների կողմից պատանդառվելուց շուրջ 18 ամիս անց, և ենթադրաբար մահացած 35 պատանդներից առնվազն կեսի մարմինները։
Իսրայելի վարչապետ Բենիամին Նեթանյահուն կիրակի ասել էր, որ Իսրայելը կուժեղացնի ճնշումը ՀԱՄԱՍ-ի վրա, բայց կշարունակի բանակցությունները «կրակի տակ»: Նա նշել է, որ շարունակական ռազմական ճնշումը պատանդների վերադարձն ապահովելու լավագույն միջոցն է։
Նեթանյահուն նաև կրկնել է իսրայելական պահանջները ՀԱՄԱՍ-ը զինաթափման մասին, թեև պաղեստինյան շարժումը մերժել է նման կոչերը՝ որպես «կարմիր գիծ»։
Երկուշաբթի իսրայելցի զինվորականները պաղեստինցիներին, որոնք բնակվում են հարավային Ռաֆահ քաղաքի շրջակայքում, ասել էին, որ տեղափոխվեն Ալ Մավասի՝ ափամերձ տարածք:
ՀԱՄԱՍ-ը շաբաթավերջին հայտնել էր, որ ընդունել է Կատարի և Եգիպտոսի միջնորդների առաջարկները, որոնք, ըստ անվտանգության աղբյուրների, կհանգեցնեն հրադադարի դիմաց ամեն շաբաթ հինգ պատանդների ազատ արձակման:
Թարգմանությունը՝ Էմմա Չոբանյանի
