15.12.2025 | 23:30
Պինոչետի բռնապետությունից ի վեր առաջին անգամ Չիլիի նախագահական ընտրություններում ծայրահեղ աջերի թեկնածուն հաղթել է
Պեսկովն արձագանքել է Թրամփի՝ Պուտինի վրա բարկացած լինելու մասին լուրերին
Քաղաքականություն
31.03.2025 | 15:34
ՌԴ նախագահի մամուլի խոսնակ Դմիտրի Պեսկովը մեկնաբանել է մամուլում տարածված տեղեկությունները, թե ԱՄՆ նախագահ Դոնալդ Թրամփը «բարկացած» է Վլադիմիր Պուտինի վրա, գրում է Ինտերֆաքսը։
«Նշված որոշ հայտարարություններ փոխանցվել են վերապատմելով, դրանք մեջբերումներ չեն եղել»,- ասել է Պեսկովը։
Նա նաև ասել է, որ ուկրաինական կարգավորման շուրջ ամերիկա-ռուսական երկխոսության մեջ դեռևս հստակություն չկա։
«Մենք աշխատում ենք ուկրաինական կարգավորման հետ կապված որոշ գաղափարների իրագործման վրա: Այս աշխատանքն ընթացքի մեջ է: Առայժմ որևէ կոնկրետություն չկա, որի մասին կարող ենք և պետք է տեղեկացնենք: Սա դեռ ժամանակի ընթացքում ձգձգվող գործընթաց է։ Շարունակում ենք աշխատել ամերիկյան կողմի հետ, առաջին հերթին, մեր երկկողմ հարաբերությունների կառուցման ուղղությամբ, որոնք ահռելի վնաս են կրել նախորդ վարչակազմի օրոք»,- լրագրողներին ասել է Պեսկովը։
Հիշեցնենք, որ NBC-ից լրագրող Քրիստեն Ուելքերը հայտնել է, թե Թրամփը զանգահարել է իրեն՝ արտահայտելու իր զայրույթն այն բանի համար, որ Պուտինը կասկածի տակ է դնում Ուկրաինայի նախագահ Վլադիմիր Զելենսկիի՝ որպես առաջնորդի ապագան։
Թարգմանությունը՝ Էմմա Չոբանյանի
