06.04.2026 | 12:00
Պնդումը կեղծ է․ մեքենա վարող ադրբեջանցու տեսանյութը Երևանում չի նկարահանվել
Կանադան չի կարող հաղթել ԱՄՆ-ին առևտրային պատերազմում․ ԱՄՆ փոխնախագահ
Քաղաքականություն
29.03.2025 | 15:55
Կանադան չի կարողանա հաղթանակ տանել ԱՄՆ-ի դեմ առևտրային պատերազմում։
«Արմենպրես»-ի հաղորդմամբ՝ Fox News հեռուստաալիքի եթերում այս մասին հայտարարել է ԱՄՆ փոխնախագահ Ջեյ Դի Վենսը։ Վենսը նշել է, որ Կանադայի կողմից պատասխան մաքսատուրքեր սահմանելը արդյունավետ քայլ չի լինի։
«Ինչպես հաճախ ասում է Սպիտակ տան ղեկավարը՝ Դոնալդ Թրամփը, Կանադան պարզապես հաղթաթղթեր չունի։ Կանադան ոչ մի կերպ չի կարող հաղթել ԱՄՆ-ի դեմ առևտրային պատերազմում»,-հայտարարել է Վենսը։
ԱՄՆ նախագահի վարչակազմը մտադիր է ապրիլի 2-ից մաքսատուրքեր սահմանել Կանադայից ներկրվող ապրանքների նկատմամբ։ Վենսի խոսքով՝ այս որոշումը պայմանավորված է երկու երկրների համար հավասար առևտրային պայմաններ ստեղծելու անհրաժեշտությամբ։
«Տասնամյակներ շարունակ Կանադայի իշխանությունները ստիպել են ամերիկացի ֆերմերներին և արտադրողներին պահպանել առևտրի անարդար կանոնները։ Թրամփի վարչակազմը մտադիր է վերջ տալ դրան»,-նշել է ԱՄՆ փոխնախագահը։
