10.08.2026 | 18:43
Մինչև 2 մլն դրամ աջակցություն․ ինչ նպաստներ կարող են ստանալ երեխա ունեցող ընտանիքները
Շոլցն ու Սթարմերը հայտարարել են՝ ՌԴ-ի դեմ պատժամիջոցները վերացնելու ժամանակը չէ
Քաղաքականություն
27.03.2025 | 18:18
Փարիզում այսօր տեղի ունեցած եվրոպացի առաջնորդների գագաթնաժողովում համաձայնություն է ձեռք բերվել, որ Ռուսաստանի դեմ պատժամիջոցները չպետք է չեղարկվեն, հակառակը, պետք է ուժեղացվեն, քանի դեռ Մոսկվան չի դադարեցրել պատերազմն Ուկրաինայի դեմ։ Այս մասին հայտարարել է Մեծ Բրիտանիայի վարչապետ Քիր Սթարմերը, գրում է France 24-ը։
«Կար լիակատար հստակություն, որ այժմ պատժամիջոցները չեղարկելու ժամանակը չէ, ընդհակառակը, այն, ինչ մենք քննարկել ենք, այն է, թե ինչպես կարող ենք ընդլայնել պատժամիջոցները», – ասել է Սթարմերը։
«Բոլորը հասկացան և հասկանում են, որ այսօր Ռուսաստանը ոչ մի տեսակի խաղաղություն չի ուզում»,- իր հերթին ասել է Ուկրաինայի նախագահ Վլադիմիր Զելենսկին։
Գերմանիայի հեռացող կանցլեր Օլաֆ Շոլցը նույնպես նախազգուշացրել է, որ Ռուսաստանի դեմ պատժամիջոցների վերացումն այս պահին «լուրջ սխալ» կլինի։
Ելույթ ունենալով Փարիզի գագաթնաժողովից հետո՝ Շոլցն ասել է, որ «իմաստ չունի դադարեցնել պատժամիջոցները, քանի դեռ իրականում խաղաղություն չի հաստատվել»:
«Ցավոք, մենք դեռ շատ հեռու ենք դրանից»,- հայտարարել է նա։
Թարգմանությունը՝ Էմմա Չոբանյանի
