10.08.2026 | 22:12
ԱՄՆ-ը, Հայաստանը և Ադրբեջանը համատեղ հայտարարություն են տարածել Վաշինգտոնի խաղաղության գագաթնաժողովի տարեդարձի առթիվ
Եգիպտոսում ռուս զբոսաշրջիկներով բատիսկաֆ է խորտակվել․ զոհեր կան
Քաղաքականություն
27.03.2025 | 19:29
Չորս ռուս զբոսաշրջիկներ մահացել են եգիպտական Հուրգադա հանգստավայրի ափերի մոտ բատիսկաֆի վթարի հետևանքով, հայտնում է Ռուսաստանի գլխավոր հյուպատոսությունը։
Meduza-ի փոխանցմամբ՝ մի քանի անձի ճակատագիրը պարզվում է։
Ըստ ռուս դիվանագետների՝ «Սինդբադ» բատիսկաֆը, որը պատկանել է համանուն հյուրանոցին, մարտի 27-ի առավոտյան հերթական ստորջրյա էքսկուրսիայի է դուրս եկել՝ ուսումնասիրելու կորալային խութը: Բացի անձնակազմի անդամներից՝ նավում եղել են 45 ռուս զբոսաշրջիկներ Biblio Globus ընկերությունից, այդ թվում՝ երեխաներ:
Բատիսկաֆի վթարը տեղի է ունեցել ափից մեկ կիլոմետր հեռավորության վրա։ Պատճառը, չի նշվում։
Նախնական տվյալներով՝ նավում գտնվողներից շատերին հաջողվել է փրկել և տեղափոխել Հուրգադայի իրենց հյուրանոցներ և հիվանդանոցներ։
Եգիպտական Sada El Balad և Al-Masry Al-Youm լրատվամիջոցներն էլ գրում են, որ վթարի հետևանքով զոհվել է 6 մարդ, ևս 9-16-ը՝ վիրավորվել։ Ռուս դիվանագետները չեն մեկնաբանել այս տեղեկությունը։
Թարգմանությունը՝ Էմմա Չոբանյանի
