30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
«Պուտինը շուտով կմահանա և ամեն ինչ կավարտվի»․ Զելենսկի
Քաղաքականություն
27.03.2025 | 13:50
Ուկրաինայի նախագահ Վլադիմիր Զելենսկին կարծում է, որ ՌԴ նախագահ Վլադիմիր Պուտինն ամենից շատ վախենում է իշխանությունը կորցնելուց, բայց դա անխուսափելիորեն տեղի կունենա նրա մահվան պատճառով։ Այս մասին գրում է ՌԲԿ Ուկրաինան՝ վկայակոչելով Զելենսկիի հարցազրույցը Eurovision News-ին։
Պատասխանելով լրագրողի հարցին, թե ինչից է ամենից շատ վախենում Պուտինը, Զելենսկին առանձնացրել է երեք բան։ Նրա կարծիքով՝ Պուտինն առաջին հերթին վախենում է սեփական հասարակությունից։
«Հասարակության ապակայունացումն այն է, ինչից նա վախենում է: Բայց ոչ ոք չի կարող ազդել դրա վրա. նա ինքն է ազդելու դրա վրա: Նրա տնտեսությունը կազդի, պատժամիջոցների քաղաքականությունը կազդի դրա վրա: Այն, որ նա չի վերահսկում և չի պաշտպանում իր բոլոր տարածքները»,- նշել է Ուկրաինայի նախագահը։
Նա հավելել է, որ Պուտինի վախի վրա կարող են ազդել Ուկրաինայի արևմտյան գործընկերները, եթե նրանք ուժեղ լինեն և ցանկանան ցուցադրել իրենց իրական ուժը։
«Եվ եթե նրանք ճնշում գործադրեն Պուտինի վրա, նա կունենա հասարակության ապակայունացում, նա կվախենա դրանից»,- ասել է Զելենսկին։
Երկրորդ բանը, ինչից Պուտինը վախենում է, ըստ Զելենսկիի, իշխանությունը կորցնելն է։
«Դա կախված է նաև հասարակության կայունությունից, բայց նաև կախված է նրա տարիքից։ Նա շուտով կմահանա, դա փաստ է, և ամեն ինչ կավարտվի։ Այսինքն՝ նա կարող է իր հարցն ավարտել նախքան իր բացարձակ ապահով և անհաջող պատմական կյանքը ավարտելը։ Ահա թե ինչից է վախենում»,- հայտարարել է Ուկրաինայի նախագահը։
Ըստ նրա՝ Պուտինի երրորդ ամենամեծ վախը մենակ մնալն է։
«Այնուամենայնիվ, հնարավոր չեղավ Պուտինին ամբողջությամբ մեկուսացնել քաղաքական տեսանկյունից։ Եվ շատ կարևոր է, որ ԱՄՆ-ն չօգնի նրան դուրս գալ մեկուսացումից, քանի որ դա վտանգավոր է»,- եզրափակել է Զելենսկին։
Թարգմանությունը՝ Էմմա Չոբանյանի
