19.02.2026 | 11:53
Ոչ մի ճանապարհ չի կարող փոխարինել Վրաստանի եզակի ռազմավարական դերին. Թբիլիսին՝ ՀՀ-Ադրբեջան ճանապարհային նախագծերի մասին
Signal-ի գաղտնի չաթի սկանդալի պատճառով Սպիտակ տանը քննարկում են Ուոլցի պաշտոնանկության հարցը․ Politico
Քաղաքականություն
25.03.2025 | 17:51
ԱՄՆ վարչակազմի անդամների՝ Signal մեսենջերի գաղտնի խմբային չաթում The Atlantic-ի գլխավոր խմբագիր Ջեֆրի Գոլդբերգի պատահաբար ավելացումը բուռն քննարկումներ է առաջացրել Սպիտակ տանը։ Ազգային անվտանգության հարցերով խորհրդական Մայք Ուոլցին, որն ավելացրել է լրագրողին, կարող են հարկադրել հեռանալ պաշտոնից, գրում է Politico-ն։
Լրատվամիջոցը, վկայակոչելով իր աղբյուրներին, նշում է, որ դեռևս ոչինչ որոշված չէ, Սպիտակ տան պաշտոնյաները զգուշացրել են, որ նախագահ Դոնալդ Թրամփը, ի վերջո, որոշում կկայացնի վաղը կամ երկու օրվա ընթացքում։ Վարչակազմի բարձրաստիճան պաշտոնյան Politico-ին ասել է, որ իրենք մի քանի տեքստային զրույցներ են ունեցել վարչակազմի այլ պաշտոնյաների հետ, թե ինչ անել Ուոլցի հետ։
«Նրանց կեսն ասում է, որ նա երբեք չի գոյատևի կամ չպետք է գոյատևի»,- ասել էպաշտոնյան։
Սպիտակ տան երկու բարձրաստիճան օգնականներ էլ նշել են, որ Ուոլցը պետք է հրաժարական տա, որպեսզի նախագահը չհայտնվի վատ դրության մեջ:
Սպիտակ տանը մոտ կանգնած մի աղբյուր էլ ավելի կոպիտ է է արտահայտվել․ «Սպիտակ տանը բոլորը կարող են համաձայնվել մի բանում՝ Մայք Ուոլցն ապուշ է»:
Երրորդ աղբյուրն ասել է, որ Թրամփը խոսել է Ուոլցի հետ այդ հարցի շուրջ, և Սպիտակ տունն առայժմ նրա կողքին է։ Սակայն Ուոլցի վրա վրա ներքին ճնշում կա՝ ընդունելու իր սխալը, ինչը կարող է նշանակել նրա հնարավոր հրաժարականը:
Պաշտոնյան, սակայն, նշել է՝ ինչ կլինի Ուոլցի հետ, մեծապես կախված է նրանից, թե Թրամփն անձամբ ինչպես է վերաբերվում խնդրին։
Հիշեցնենք, որ The Atlantic-ի գլխավոր խմբագիր Ջեֆրի Գոլդբերգին պատահաբար ավելացրել էին Signal մեսենջերի գաղտնի խմբային չաթում, որտեղ ԱՄՆ Ազգային անվտանգության խորհրդի բարձրաստիճան անդամները քննարկել են Եմենի հութիների դեմ ծրագրվող ռազմական գործողության մանրամասները:
Թարգմանությունը՝ Էմմա Չոբանյանի
