27.03.2025 | 00:25
Հայ շախմատիստները նվաճել են շախմատի Աշխարհի գավաթի ուղեգրեր
Թրամփը հայտարարել է Ուկրաինայում «տարածքների բաժանման» քննարկման մասին
Քաղաքականություն
21.03.2025 | 21:29
ԱՄՆ նախագահ Դոնալդ Թրամփը հայտարարել է, որ ՌԴ նախագահ Վլադիմիր Պուտինի և Ուկրաինայի նախագահ Վլադիմիր Զելենսկիի հետ լավ բանակցություններ է անցկացրել։ Նա հավելել է՝ Վաշինգտոնը մոտ է Կիևի և Մոսկվայի միջև հակամարտությունը դադարեցնելու համաձայնությանը:
«Կարծում եմ՝ մենք գործարքի սահմաններ ունենք»,- ասել է Թրամփը։
ԱՄՆ նախագահը նշել է, որ փնտրում է պատերազմի լուծում՝ դադարեցնելու մարտադաշտում սպանությունները և խնայելու Վաշինգտոնի փողերը, որոնք ծախսվել են Ուկրաինային ռազմական օգնություն տրամադրելու համար:
«Կարծում եմ՝ շատ շուտով մենք կհասնենք ամբողջական հրադադարի, հետո կունենանք համաձայնագիր։ Այս հարցը քննարկվում է հենց հիմա, մենք խոսում ենք հողերի բաժանման և այլնի մասին»,- ասել է Թրամփը։
Նա նշել է, որ ռազմաճակատի որոշ հատվածներում արդեն ձեռք է բերվել հրադադարի ռեժիմ։
Թարգմանությունը՝ Էմմա Չոբանյանի
