17.12.2025 | 17:03
Մհեր Գրիգորյանն ընդունել է Ալեքսեյ Օվերչուկին․ ստորագրվել են մի շարք երկկողմ փաստաթղթեր
Կրասնոդարում նավթի պահեստում պայթյուն է տեղի ունեցել․ տուժածեր կան
Քաղաքականություն
21.03.2025 | 14:22
ՌԴ Կրասնոդարի երկրամասի Կավկազսկի շրջանի նավթի պահեստում, որը երկու օր է՝ այրվում է անօդաչու թռչող սարքի հարձակումից հետո, պայթյուն և նավթամթերքի արտանետում է տեղի ունեցել։ Այս մասին հայտնել են մարզային օպերատիվ շտաբից, գրում է Meduza-ն։
Նշվում է, որ պայթյունը պատճառը այրվող պահուստարանի ապահերմետիկացումն է։ Արդյունքում երկու հրշեջներ վիրավորվել են, նրանք թեթև այրվածքներով և այրվող նյութերից թունավորմամբ տեղափոխվել հիվանդանոց։
Օպերատիվ շտաբից հայտնել են, որ կրակը տարածվել է դեպի մեկ այլ պահուստարան, հրդեհի ընդհանուր մակերեսը հասել է 10 հազար քառակուսի մետրի։ Հրդեհաշիջման աշխատանքներում ներգրավված է ավելի քան 450 մարդ և 181 միավոր տեխնիկա։
Ուկրաինայի Զինված ուժերի գլխավոր շտաբից լրագրողներին հայտնել են, թե Ռուսաստանն ինքն է հարվածել նավթային օբյեկտին, որպեսզի «ուժեղացնի Ուկրաինայի դեմ վարկաբեկող արշավը»։
Հիշեցնենք, որ նավթի պահեստում հրդեհը սկսվել է մարտի լույս 19-ի գիշերը։
Թարգմանությունը՝ Էմմա Չոբանյանի
